一路向西2︱导演透露成本达三四千万 加藤鹰或神秘现身成彩蛋？
香港情色电影《一路向西2 东京AV攻略》今日（20日）举行公开试镜，香港AV女优素海霖（Erena/绘丽奈）与导演郑峰岚亲自为演员Casting（试镜），吸引过百人到场排队，场面非常哄动！素海霖与导演在试镜活动开始前，分别接受传媒访问，曾直言新作为素海霖而开的导演郑峰岚，除了肯定素海霖的实力及付出外，亦在受访时透露电影将会出现神秘彩蛋！
《一路向西2 东京AV攻略》自前作上映已有长达12年，导演郑峰岚受访时分享指，新作已筹拍数年，然而一直未觅得合适演员：“自从素海霖红咗之后，我哋就觉得呢个系一个好好嘅时候㖞！同埋上次（《出租女友》）因为同素海霖都合作过，觉得佢系一个好叻、好肯付出嘅女仔，所以今次系一个好机会！”导演亦盛赞素海霖勇闯日本成为首位AV女优的勇气，对比过去香港情色电影的演员有过之而无不及：“佢喺心理质素上系强过其他以前嘅演员！我觉得佢而家嘅状态拍《向西2》系好适合嘅！”
《一路向西2 东京AV攻略》宣布筹拍后，外界关注续集与前作的关连，导演郑峰岚表示：“今次会以张建声𠮶条线延续落去嘅，当然会保持第一集𠮶种文化、角度，就系‘讽刺时弊、刻意文艺’继续玩，我相信会比第一集更加好玩、更加好笑！”提及讽刺时弊，导演亦补充指：“我哋会照拍嘅，但到时睇返市场，我哋会睇下点样剪法。”
《一路向西》剧情牵涉内地成人产业，导演表示新作剧情将会集中在日本发展：“今次嘅主要嘅方向会喺日本，主要会集中喺日本猎奇，因为日本玩嘅地方大家系想像唔到嘅！同以前嘅东莞比真系有过之而无不及！”表示希望保留神秘感让大家进入戏院发现。除了于日本实地取景外，导演亦透露将会有神秘日本成员演出：“今次我哋喺日本请到呢方面重量级嘅人物，暂时我唔公布住。”表示男女成员均有邀请，被问及是否“神之手”加藤鹰先生时，导演笑指：“到时大家可以睇睇个新闻！”向观众大卖关子！
《一路向西2 东京AV攻略》将于日本取景，更邀得多位日本殿堂级女优加盟演出，导演表示制作成本主要花在日本该地的制作：“比上一集更加多嘅制作成本，初步起码都要三千几、四千万！”至于香港近年票房波动程况，郑峰岚表示团队并不担心：“相信钟意电影嘅人系唔会太计较呢样嘢，因为你唔肯去搏、永远都唔知道结果系点！”对质素、方向非常有信心，更扬言：“如果第二集拍完之后，就可以开始筹备第三集！”
《一路向西》男主角张建声将于本集回归，近年片约不断的张建声，身型为了饰演不同的角色而多次变化，导演直言：“其实阿声一直都系一个好专业嘅演员，随时可以肥、可以瘦、可以大只，我想佢保持返当初拍摄嘅初衷。”续指：“我反而希望佢可以放低《反黑》𠮶种感觉，变化“向西仔”嘅𠮶种性格。”并透露张建声现正为角色努力准备。
素海霖于日本AV产业出道后，不时被香港网民谈论身型，对于较丰满圆润的体型，导演郑峰岚表示适合：“其实佢而家系几好㗎！头先佢一入嚟我已经话‘咦！妳瘦咗㖞！’其实我觉得佢为今次嘅演出努力减肥嘅。我觉得佢本身丰满嘅体型其实好多人钟意，包括我都钟意嘅，因为喺镜头下面系好睇啲嘅，如果丰满啲。”