红豆︱导演邹颖钟情九龙城旧貌 自己非魏浚笙原型︰冇佢咁靓仔
撰文： 莫匡尧
出版：更新：
香港家庭温情电影《红豆》由新晋导演邹颖执导，由任达华、邓丽欣、魏浚笙、龚慈恩、方平及朱鉴然主演，今日（19日）举行开镜仪式。《红豆》剧情讲述任达华、龚慈恩、邓丽欣及魏浚笙一家四口，在九龙城经历的喜怒哀乐，一家人亦在家庭式经营的糖水铺里，感受到彼此的爱与传承。
新晋导演邹颖（Vincent）首部执导作品《红豆》开镜，导演亦在仪式后接受《香港01》访问。不少新晋导演均会在首部剧情作品投入个人情怀与经历，Vincent表示《红豆》亦结合不少个人经历：“其实入面都有好多自己嘅真人真事，当然我自己唔系开糖水铺啦，呢个系一个包装，入面好多细节、故仔、意外都系我自己嘅亲身经历，所以故仔我写落去都呈现到一啲真实感喺入面。”
《红豆》由新一代小鲜肉男神魏浚笙饰演男主角，被问到导演是否Jeffrey的角色原型时，Vincent笑指：“都唔系嘅！我冇佢咁靓仔、差太远喇！主要其实Jeffrey系我一路写、一路构思，觉得一个完整家庭、一家四口嘅角力，就会好睇啲。”
电影日前于九龙城街头取景，导演表示自己并非在九龙城成长，但经常到九龙城、钟情该区的糖水铺及旧貌，Vincent亦表示：“我知道九龙城将来会迁拆，将旧嘅嘢变成新嘅。呢个故仔就系想讲一个旧去新嘅转变，所有嘢夹埋九龙城就变咗一个啱嘅地方。”