不是你不爱你｜林国斌唔做坏人首演老窦　“之前啲角色做到好厌”

入行40年的林国斌，由于硬朗外粗犷外表，加上有功夫底，在电影中不时饰演大奸角、大反派角色，最多人记得一定是在周星驰电影《破坏之王》中饰演的断水流大师兄，一句︰“我系话在座咁多位，都系垃圾！”成为经典。林国斌近年减少演出，不过在叶念琛导演新作《不是你不爱你》中，便再度亮相，而且破例不是演坏人角色，是首度挑战爸爸角色，还会有催泪情节。（电影上映︰1月18日）

坏人做到厌

戏中林国斌饰演台湾演员陈昊森的爸爸，儿子一直将台湾籍母亲自杀的责任，归咎于生性风流，饰演大律师的父亲林国斌身上，导致二人势成水火，加上父亲决定再婚，陈昊森对林国斌的仇恨更加有增无减。原来今次是林国斌首次演爸爸角色︰“今次做人老窦，从来都未做过，又唔使打，又唔系做黑社会，之前啲角色做到好厌，唔想拍，今次呢个系新嘅尝试，都舒服，所以接拍。”

第一次演爸爸角色

首度演爸爸，但跟“儿子”的关系就麻麻地，林国斌︰“我个角色唔算系慈祥嘅爸爸，因为丧偶，想揾过个老婆，但个仔唔钟意，好反对，做好多反叛嘅嘢出嚟。其实冇对与错，我想有我自己嘅新生活，佢又好挂住佢阿妈，觉得我害死佢阿妈，所以好憎我。”

虽然感情看似没转弯余地，但因为陈昊森突如其来患上重病，父子关系亦因此一百八十度逆转，戏中两父子一场内心戏，二人放下从前的一切相拥而哭的场口，感动了不少优先场的观众，更对林国斌的演技另眼相看。

做惯大奸角，要在镜头前流出真眼泪感动观众，林国斌认为有了人生历练，眼泪自然即call即到，他说：“其实要喊都冇乜嘢，我都几廿岁，经历咗咁多嘢，谂番以前唔开心嘅事，培养一吓情绪，就可以喊到出嚟。”

“我都系年青人嚟㗎”

林国斌唔单只好戏，原来仲好玩得，与剧中一众年轻演员，经常在休息时间打成一片，一起打羽毛球、打篮球，更意想不到的是，原来林国斌的篮球技术，绝不逊色“篮球女神”Mandy谭旻萱。“我都系年青人嚟㗎，几廿年前嘛，哈哈！初初都有啲担心同佢哋格格不入，会唔会沟通唔到？原来唔系，佢哋都好NICE！”林国斌说。