罗家英自爆拍《西游记》片酬低到你唔信 《凌凌柒》一次都冇睇过
撰文： 陈颖思
出版：更新：
粤剧大老倌出身的罗家英，90年代涉足影坛，凭《国产凌凌柒》“达文西”一角而人气急升，成为周星驰御用绿叶，早前他接受资深制作人杨绍鸿的YouTube节目访问，忆述第一次与星爷对戏的精彩过程，仲大爆接拍两集《西游记》的片酬低到你唔信！
罗家英透露当年在《姊妹情深》的演出令谷德昭十分惊艳，由对方穿针引线与星爷合作：“佢睇完《姊妹情深》之后介绍畀周星驰：‘喂，有个茂利叫罗家英，好好笑㗎㖞，不如揾佢嚟客串做一个科学家’”。家英哥表示去元朗某豉油厂拍摄第一场《国产凌凌柒》的戏份：“乜嘢都冇，你有你做，我有我做，佢又唔教我做，李力持亦唔教我做”。
家英哥靠自己消化角色，以戏曲腔有力地爆出一句“力拔山河气盖世”，想不到有意外惊喜：“大家冇度过，佢（星爷）又唔知我点讲，我又唔知佢点回答我，我就用戏曲嘅感觉，周星驰一听，心谂点解会咁讲嘢嘅呢？于是佢又接一句，‘时不利兮骓不逝’，跟返我𠮶个（语气），佢又醒嘅，唔会话跌咗watt，因为我把声尖又高。”
凭《国产凌凌柒》的“达文西”人气急升，家英哥说：“行街𠮶阵有人嗌我罗家英，我做大戏咁耐都冇人咁嗌我”，不过他从来没有完整看过这部电影。而对星爷来说，家英哥亦变成一位可靠的班底，力邀他演出《西游记》系列：“星爷打畀我叫我演唐三藏，佢话：‘好嘢嚟㗎’”。当时家英哥已经是影坛最受欢迎的绿叶演员，档期满满，星爷要求他到内地三个月，最后夹夹埋埋只拍了八日，不过家英哥指片酬比大家想像中低：“我收咗唔系好多钱，好似8000蚊一日，八日，八八六十四，6万4蚊”。