林超荣逝世︱难忘与张国荣《锦绣前程》撞名︰叫林超荣花名破坏荣

香港电影著名编剧及演员林超荣（超人），今日（12日）经好友沈西城于网上公布死讯，享年61岁，据悉于中午因血癌病逝。林超荣生前集多项创作人身分，身兼电视电影编剧、演员、司仪、节目主持、及创作人多职，为人风趣幽默，作品亦极具其个人幽默风格。

林超荣于今年4月1日，曾出席网台谈话节目，并于节目上分享与一代歌影巨星张国荣的交往记忆。当时谈到张国荣逝世20年，林超荣与主持人感到唏嘘之余，亦提到对张国荣最印象深刻的演出，林超荣笑言：“最记得张国荣嘅演出，王家卫嘅好经典啦！但系我最钟意嘅演出系一部叫《锦绣前程》嘅电影，点解咁深刻呢？唔系因为我写剧本，系陈庆嘉同陈嘉上写剧本，戏入面（张国荣）饰演嘅角色名就叫做林超荣！”

与张国荣之间在电影中竟有这般缘份，林超荣亦回忆当中的缘起：“编剧陈庆嘉、陈嘉上，我哋成日一齐玩，我跟佢哋度剧本、玩埋一齐好开心！佢专登喺《锦绣前程》里面角色都用晒编剧名，梁家辉就做阮世生（《天若有情》编剧），正气严肃啲；张国荣个角色名叫林超荣、花名叫‘破坏荣’！因为我成日去度剧本、去玩嘅时候专搞破坏！”林超荣甚至在节目上大爆原来早已认识唐唐：“佢为咗揣摩呢个角色，都尝试联络我！但系唔驶联络喇，因为佢嘅好朋友唐先生（唐鹤德），系我中学同学嚟嘅！”

在银幕之下，林超荣亦曾与张国荣偶有相交：“𠮶时同张国荣每年至少见到一次，喺香港电影金像奖颁奖礼，不时喺冇嘉宾嘅时候做，好挨义气、好热衷支持电影金像奖。”他更忆述与张国荣在颁奖礼上煲烟的时刻：“当时后台仲食到烟，我哋就食口烟，临出台张国荣就手震震咁，咁佢就话‘超人，我哋一年见一次，咁快就一年喇！’同佢倾下计啰！”林超荣指他与众人一样见过最阳光、最灿烂的一面，不开心的一面或许他们无法目睹，及至20年前才得知问题的严重程度：“因为唔知道抑郁症可以去到咁严重，如果𠮶时大家多啲时间、多把劲去同佢讲多两句、睇紧啲，就唔会发生。因为当时大家对（抑郁症）唔熟悉，以为唔开心、情绪、少少嘢啫，有时读过下知道睇紧心理医生，唔知道𠮶个病系会随时发作，大家就掉以轻心咗！”