爆裂点︱安排梁洛施狂掴张家辉　林超贤︰佢有被虐狂我惯咗虐待佢

香港动作电影《爆裂点》今日（28日）举行首映礼，电影出品人于冬先生、杨受城博士携同监制兼总导演林超贤、执行导演唐唯瀚、主演张家辉、陈伟霆、谭俊彦、梁洛施及周秀娜等演员一同出席，阵容非常鼎盛难得！张家辉继金像封帝作品《激战》后事隔九年再次与林超贤合作，二人多次表示机会难得，默契亦丝毫未变。

林超贤导演与梁洛施、周秀娜于首映礼接受访问，分享在《爆裂点》安排两位女演员拍摄不少打戏。谈到往后会否加码合作，林超贤笑言：“睇完呢部，佢哋敢唔敢做呀？”梁：我已经讲咗想继续，唔够喉啊！”周秀娜亦踊跃表示：“我第一次已经自荐咗好多次！”林超贤则透露娜姐有为电影特意操练：“佢话练咗啲腹肌嚟㗎！”周秀娜则表示一向有运动，所以亦保持着结实身型，对于应付打戏，娜姐则表示：“我哋都有一场戏系有动作嘅，当然就唔系其他男演员咁犀利啦！”

至于林导演为何没有特意让娜姐大晒健身成果，林超贤笑指：“因为我唔知嘛，唔知可以打成点，但系经过呢一役之后⋯⋯”周秀娜则相当谦让：“系都系男仔骚啦！佢哋咁劲！”林导演亦认真表示要锡住女演员：“我一路都拍开男演员，唔知女演员会唔会拍拍下就唔做，直情劈砲！我惊嘛！”

林超贤亦于访问里透露，梁洛施有为戏份牺牲不少：“总之咩都做齐，又要练大只、又要晒黑！”梁洛施则笑着埋怨一下导演：“系有练到大只，但最终系着冬天衫啰！骚唔到！”谈到为《爆裂点》的演出牺牲，林超贤表示有拍到陈伟霆除衫戏份，一共拍摄了两个版本，至于哪一个被放进上映正片之中，林超贤笑指：“梗系唔话你听啦！收埋自己睇嘛！唔系，咁网上一定会有嘅，我用咗一个喺戏里面，另一个版本网上一定有嘅！”

在《爆裂点》里同样有动作戏份的梁洛施，被林超贤形容得相当夸张：“我畀一场戏佢打家辉打到头晕啊！”梁洛施笑指：“我都唔知星咗佢几多巴！”与张家辉多次合作的林超贤则笑指：“佢系有呢份被虐狂㖞！我惯咗虐待佢！”