爆裂点︱林超贤指半个影帝奖系佢　张家辉笑回︰我畀半个奖你陪葬

香港动作电影《爆裂点》今日（28日）举行首映礼，电影出品人于冬先生、杨受城博士携同监制兼总导演林超贤、执行导演唐唯瀚、主演张家辉、陈伟霆、谭俊彦、梁洛施及周秀娜等演员一同出席，阵容非常鼎盛难得！张家辉继金像封帝作品《激战》后事隔九年再次与林超贤合作，二人多次表示机会难得，默契亦丝毫未变。

首映礼仪式上，张家辉重提拍摄《激战》期间左手手指被打断的事，笑言：“每晚采矿嘅时候，我都会谂起林超贤！同埋当我经过屋企个柜，见到摆住一个个奖座，都会谂起佢！”更表示林超贤为人感性，每次见到拍摄角色死时都会哭，演技非常好！令林超贤也回敬一句：“你有半个奖系我嘅！”张家辉再开玩笑指：“睇下我哋边个走先，如果你走先、我畀半个奖座你陪葬！”二人在台上的互动笑料百出，足见这对拍档依然老友鬼鬼。

张家辉与陈伟霆于首映礼上亦接受传媒访问，陈伟霆透露为演出有刻意操练肌肉：“因为角色系卧底嚟，咁一定冇啖好食，所以系要精钢少少嘅。不过又冇去到家辉哥《激战》嘅状态，我嘅状态就食少啲嘢！”林超贤于首映访问提到先后就陈伟霆的除衫戏份改变主意，最后决定要除衫时给予一星期作最后操练，陈伟霆笑指：“导演讲错咗！佢都冇畀一个礼拜时间我，佢话唔除、咁我就食返茶餐厅，本来节食嘅但系就食返晒返嚟。”更爆料原来导演即场要求除衫拍打戏：“佢即场叫我除（衫），我啱啱先食完个沙嗲牛肉面就要除衫喇！（身材）都差几成呀，有个公仔面喺个肚到！”但亦表示为了准备好与张家辉合作，在健身室操练准备之余，亦要在心理上预备好。

张家辉凭林超贤执导作《激战》封帝，当年亦为电影练出爆肌身型，他笑言陈伟霆的角色并未需要达到激战程度：“我觉得因应角色需要啫！唔一定个个都要《激战》嘅！要塑造到咩程度系睇角色嘅。”至于往后会否为角色重新操练《激战》程度的精钢肌肉，张家辉笑指：“我谂唔得喇！”

张家辉作为《爆裂点》男主角，与电影里饰演反派的谭俊彦上演多场打戏，他分享拍摄过程时表示：“结局喺马来西亚个山洞里面打咗七日！香港就间歇性嘅，第一日同阿Sean（谭俊彦）喺和合石坟场，38度下打咗两三日！”林超贤曾透露自己在马来西亚拍摄期间扭伤脚腕，当成偿还当年张家辉在《激战》期间打断尾指，张家辉听后笑指：“我同佢有咩还唔还呀，事但啦！佢都唔系有心还嘅！从我细个入行电视台到出嚟拍动作戏，擦伤扭亲就经常有，都好难避免！希望唔好有啲好大嘅创伤就已经好好！”

在《爆裂点》里饰演反派的谭俊彦，分享原来多年前曾与陈伟霆于电影《出轨的女人》合作，谈到再度合作时，谭俊彦表示：“今次再合作其实个初心都仲喺到，大家都冇乜点变过，虽然成部戏（拍摄）时间好长、都算艰苦，但系好值得回忆！”谭俊彦近日于《新闻女王》剧情其中一幕，在车房里拍摄，被指致敬父亲狄龙在《英雄本色》里的经典，谭俊彦笑言没有想过致敬成份：“𠮶时我好多须㖞！我阿爸冇㗎！其实冇特别谂呢样嘢，可能车房加埋个造型，大家就会咁谂。其实唔止网民，连我开工啲工作人员都问系咪好似《英雄本色》，我话自己冇谂过，但系佢哋有联想我都觉得几得意！”