扎职2｜黄宗泽拍劈友戏惊动警方到场调查 陈家乐被武指打到面肿
撰文： 吴子生
出版：更新：
黄宗泽（Bosco）和陈家乐今晚（20日）现身北角出席电影《扎职2》“久违了的午夜场”，Bosco表示：“其实我哋拍呢套戏嘅时候，咁啱喺疫情嘅时候，当时啲街道好少人，我哋试过喺尖沙咀街头拍劈友戏，当时系几十追住三个人系咁劈，杀声震天，搞到啲街坊以为真系有人劈友报晒警，之后就有警车嚟到调查，先知我哋拍紧戏，原来系误会一场，佢哋登记完就收队离场。”
家乐接着说：“其实我哋斩人系拍得好真实，因为我哋嘅武指佢系好冇人性，我好记得有一场戏，我系要畀佢打块面，最惨系佢手臂好似我大髀咁粗，开头拍又话一Take过，点知拍咗好多次，最后系打到我成块面肿咗，变咗大细面，连后有少少唔连戏，要靠另外块面接返落去。”