速战｜40岁冼色丽久未露面真实状态曝光　谈转型：多年前就演妈妈

英皇电影《速战》今日（27日）举行首映礼，久未于香港露面的冼色丽亦有现身，之前有报导指年过四十的她，因为美貌跌Watt而要接演妈妈角色，但现场见她状态甚佳，虽然少女味不再，五官与身形都几乎没变。

男主角陈家乐与冼色丽一同接受《香港01》访问，戏中家乐饰演一名地下赛车手，而冼色丽饰演他的阿嫂。对于久未于香港露面，冼色丽表示：“受新冠肺炎疫情影响，嚟紧都会多啲返香港，（之前一直留在内地？）间中都会返嚟”。面对被指由少女转型妈妈，冼色丽如此回应：“呢套戏入面我都系做妈妈角色，有一个小朋友，我觉得其实冇乜所谓，好多年前已经开始做妈妈，几好吖我觉得”。

而家乐就表示本身是赛车片迷：“有睇好多，《烈火战车》必睇，荷里活同香港嘅都好钟意，滚瓜烂熟，今次拍嘅时候都好兴奋，可以参与一套咁本土制作的电影，我哋飞嘅街道系平时都会经过嘅地方，弥敦道、好多神话嘅公主道，俾我去感受过”。

戏中的他性格冲动又大胆，本身驾驶技术不算太好，导演一个安排令他相当担心：“有啲惊险，5年前拍嘅时候，我大概有咗车牌3年左右，我嘅驾驶技术唔系好叻，我嘅角色系一个只系识向前冲嘅车手，唔会理身边所有嘢，所以𠮶啲倒后镜系打烂晒，冇谂过拍𠮶阵啲倒后镜真系烂晒，拍𠮶阵真系几惊”。