阴目侦信｜何启华坦言对票房失望 坚持不放弃曾经“一蚊都唔值”
由ERROR四子梁业（肥仔）、何启华（Dee）、郭嘉骏（193）、吴保锜（Poki）主演的电影《阴目侦信》，自上映以来，新闻多多，除了有193拒绝谢票外，由于电影票房成绩比预期稍逊，监制戴栢豪日前便在个人IG发千文，向支持者致歉，又说受到hater的恶意狙击。今日（18/8）轮到Dee哥发千字文，除讲到自己的确对票房感失望，亦自嘲不要再叫他做“何启华一亿”（《毒舌大状》收一亿票房），宁愿重头开始叫他做“何启华一百”，相当谦虚。
因为ERROR才有机会做主角
文章一来，Dee哥便先讲讲自己，一直立志要做电影演员，亦自知不是主角的料子︰“主角？想追影帝紧系想做啦～但电影世界有一个不变嘅主观因素，就系先天外形啦，有就有冇就冇。”所以今次在《阴目侦信》可以做主角，Dee哥是满心欢喜，亦知道这是因为ERROR组合受欢迎所致，“有ERROR所以我做艺人嘅命运就开展咗，呢张主角入场券真系同佢地三个一齐换返嚟。”
“明明咁努力，唔可以俾个好嘅结局我？”
讲到自己的演出，Dee哥也直认有不少沙石，但自问当时已尽了最大努力。而最敏感的票房问题，他都承认是有失望。他在戏中的角色小太郎有一句对白︰“点解我哋明明咁努力咁热血去做一件事，唔可以俾个好嘅结局我？”Dee哥虽然都有相同疑问，但明白好多都唔系我能力范畴内理解，能够控制的就系趁有时间做多啲宣传跑多几场谢票。
最后Dee哥更预计下次出席公开场会，记者朋友会问到自己︰由一亿乜乜乜去到乜乜乜，你点谂？倒不如率先拆弹，在此解答︰“首先我要多谢传媒朋友嘅宠爱，当日陪我一齐癫 搞呢个gag 疯狂吹奏，其实一亿定一百，对我嚟讲 当然有分别，讲出嚟嘅气势都唔同啲，不过就真系冇嘢输，有一日冇人再揾我拍戏，我就真系输🥹（touch wood🪵 ）”
“我由一蚊都唔值，行到有一百个人肯为我使一百蚊”
他亦索性叫大家今日起，唔好吹奏支持何启华一亿嘅gag，与时俱进由底价一百开始，“支持何启华一百，以我观察揾我拍戏，座底点都会有一百个人肯睇嘅，放心，个数字系会持续上升㗎，我系唔会放弃㗎！我由一蚊都唔值，行到有一百个人肯为我使一百蚊，我就知个天真系待我不薄，依家就麻烦个天再帮我立个新数字，送我继续上路修练。”