《阴目侦信》绝密片出现纸扎ERROR 四个之中最神似竟然系肥仔
撰文： 许育民
出版：更新：
由ERROR四子梁业（肥仔）、何启华（Dee）、郭嘉骏（193）、吴保锜（Poki）主演的电影《阴目侦信》，现正上映。踏入上星第二周，电影公司开始发布一些绝密片段及删剪片段，其中原来有一幕会出现纸扎版ERROR，造型唔单止唔恐怖，仲相当趣致，而四个之一最似肥仔。
今次的绝密片段，讲到肥仔在平安楼服妖时，所用的法器完全失效，于是去揾师傅“纸扎陈”（葛民辉 饰）投诉，话佢只顾赚钱冇良心。但原来问题唔系喺法器上，只系肥仔冇听清楚用法。例如唇膏唔系涂自己个嘴，系涂落只鬼度，而符水更加唔系洒地，系要直接洒落灵体处，原来全部用错晒，难怪无效。
阴目侦信｜保锜落力谢票10个观众照去 预告Dee哥现身︰爆爆场先
而当肥仔跟阿Dee行入舖头时，就见到师傅喺度扎紧四个纸扎公仔，仲笑佢乜咁豪，平时都系两个妹仔，阿葛先话佢唔识嘢︰“呢队系ERROR，一个肥、一个高、一个矮、一个愣。”睇番四只公仔近镜，虽然纸制产品唔会还原到个样，但一睇到认得出边个打边个，尤其肥仔，好少见纸扎公仔咁饱满，最神似系佢。