阴目侦信｜谭旻萱郭思难挡ERROR攻势　周家怡亲述酒店撞鬼经历

撰文：许育民

出版：2023-08-11 17:00更新：2023-08-22 16:23

由ERROR四子梁业（肥仔）、何启华（Dee）、郭嘉骏（193）、吴保锜（Poki）主演的电影《阴目侦信》，本周正式公映。戏中仲有三位女主角，包括周家怡、谭旻萱（Mandy），以及英皇娱乐旗下艺人郭思。而三位拍呢套戏最大得著，竟然系学识咗跟ERROR的相处之道。

三位女主角，拍完《阴目侦信》最大得著系学会跟ERROR相处。（梁碧玲　摄）

三位在戏中饰演同屋住，齐齐揾ERROR救求救。（《阴目侦信》剧照）

爆肚是生活日常

ERROR四子向来以急才见称，咁拍戏的爆肚场面又会否连绵不绝，难以招架呢？郭思︰“佢哋生活中已经好多爆肚，所以相对地喺拍摄期间系比较认真，爆肚都变得符合剧情需要。”郭思还觉得几位工作时非常认真，例如193会为自己角色设计小动作，Poki的所谓即兴反应都会考虑角色性格，并非乱来。戏中郭思要暗恋Poki，问到这类型是否自己心仪对象，郭思都笑说︰“如果唔欺凌我都系嘅，佢靓仔又有幽默感，仲跑得快，又晒得黑。”

郭思觉得ERROR四子工作时，其实相当认真。（梁碧玲　摄）

作为前辈，ERROR都冇留手，一样出口术整蛊对方。（《阴目侦信》剧照）

Poki︰“你养我吖！”

周家怡作为前辈，ERROR四子都冇手下留情，整蛊方式照去。周家怡︰“我哋录影《爆谷一周》前，Poki突然间问我有冇养宠物？我话呢刻冇，然后佢好认真咁讲︰‘咁你养我吖！’我都冇佢咁好气，但身旁嘅肥仔听到又出声︰‘你有冇搞错呀，梗系我养你啦！’两个人一唱一和。所以佢哋对我都冇收歛，尤其核心系Poki，成日口花花，佢自己单独一个都系好多嘢讲。”

周家怡戏中会有动作场面，亦打自己有损伤都不察觉。（梁碧玲　摄）

（梁碧玲　摄）

认真对抗无聊

对于ERROR攻势，有人会应接不下，但亦有人研发出对策，Mandy Tam就系其中一人︰“我仲记得Poki同我讲嘅第一句说话，就系︰‘Mandy，你好高’然后我就好冷淡回应︰‘系呀，好高’完，简直系话题终结者。然后有一次，Poki想同我讲时，我好认真同佢对望一阵再讲︰‘Poki，你真系好靓仔！’然后佢会尴尴尬尬唉一声走咗去。”

酒店鬼故事

《阴目侦信》是一部灵异悬疑片，讲到灵异事件，原来家怡就有个颇恐怖嘅经历。“有次去台湾嘅酒店，当时上咗床未瞓，听到眼前有个黑影，在块镜前整理物件，整到有声，我以为朋友惊嘈醒我唔开灯，所以就同佢讲︰‘开灯啦，我未瞓！’但佢冇应我，于是我就直接叫佢个名，然后我朋友就喺我隔篱床问我︰‘咩事呀？’原来眼前黑影一直唔系我朋友，于是我话到我要开灯，然后全晚就开住灯瞓。”