杨天宇与林恺铃传绯闻承认互相投契 “有边个唔钟意又高又靓”
撰文： 许育民
出版：更新：
龚慈恩的女儿林恺铃（Ashley），向有“最美星二代”及“A0女神”之称，早前在个人社交平台上载一张男友视角饮咖啡相，被指是“出Pool”，而男方更有传是英皇爆肌小生杨天宇（Angus）。今日杨天宇出席英皇电影《阴目侦信》首映礼，亲自回应与林恺铃绯闻，更直认向来与对方投契，闲时都有出街及倾偈。
杨天宇今日出席《阴目侦信》首映礼，在陈家乐陪同下接受访问，记者问到Angus是否跟Ashley有好消息公布？“其实（跟林恺铃）只系好朋友，我哋的确投契亦经常出街同倾偈，如果有好消息会话畀大家知，但现在仍是好朋友。”至于事后林恺铃妈妈龚慈恩都有代女儿澄清，是否已见过对方家长？杨天宇︰“在拍《电子灵》时有见过对方妈妈，但之后都冇见过。”
Ashley公认的女神，问到是否符合自己的择偶条件？杨天宇突然不知所措，以三个“哗”字回应︰“哗！哗！哗！又高又靓，都似喇，有边个唔钟意又高又靓好似佢（指身边陈家乐）老婆咁（连诗雅）？”陈家乐立即回应︰“你咁都烧到我𠮶度？”
杨天宇续说︰“我系好欣赏佢，佢好斯文，系个好有才华好有家教嘅女仔。”至于相中的手系咪自己？他就澄清是女方工人姐姐只手来的。“我唔在场，我哋系有出街，但相中只手真系唔系我。”
身旁的陈家乐一直陪Angus作答，但亦不忘搞搞气氛︰“我系站在记者立场恭喜佢，唔系问佢真定假，因为传得出嚟多数都系真，哈哈……讲笑讲笑！畀啲空间佢，始终系小朋友。”家乐亦喜见他对答如流，相信都素有训练。“我当年就系冇呢种训练答到一嚿嚿，见到佢表现真系青出于蓝。”