扫毒3｜Do姐问三大影帝有冇争排位 古天乐一个答案青云赞老板级
郑裕玲（Do姐）的YouTube频道The Do Show播出新一集，嘉宾为电影《扫毒3︰人在天涯》三位影帝刘青云、古天乐及郭富城。Do姐问题向来尖锐，今次就问到电影海报的排名，到底哪位可以企中间？哪位名字可排先？结果古生一个答案，解答所有难题，更获青云大赞︰“所以呢啲咪做老板！”
海报边个坐中间？
Do姐先问到刘青云，还记唔记得自己第一次提名金像奖最佳男主角的心情，青云表示记得，而且记忆犹新。青云︰“我系有两部戏一齐提名，《新不了情》同《七月十四》，结果𠮶年系黄秋生《人肉叉烧包》赢咗，我当年都有睇《人肉叉烧包》，佢真系唔止一部作品，系一个经典演出。”Do姐随即问青云是否输得心服口服？青云都巧妙地答︰“我冇咁讲过！”
紧接Do姐就叫工作人员拿出《扫毒3》的海报，该海报以郭富城坐中间，古天乐、刘青云在旁边，Do姐便问到底边个决定可以坐中间，大家会唔会系无所谓？青云老实回应︰“又唔可以话冇所谓。不过现实唔系我话乜就乜，做演员当然希望咩都叻啲，但世界唔系咁。排名同企位唔会系冇乜所谓，但我又唔会去做到好难睇。”
古天乐︰连呢啲都咁介怀，咁你点做大事呢？
虽然Do姐赞青云老实，但亦嫌答得抽象，于是就转问古天乐。古生︰“好睇人哋眼光放边度，你就算摆中间，人哋眼光系睇隔篱𠮶个就系隔篱𠮶个，你摆Tom Cruise（汤告鲁斯）个样出嚟，就算摆到最后人哋都系睇佢，要对自己有认知。”
最后古生爆出金句︰“如果连呢啲都咁介怀，咁你点做大事呢？”青云听到都大赞︰“所以呢啲咪做老板！”古生便立即反窒对方︰“你睇你讲到几复杂，都唔知你讲乜！”至于问到郭富城，他坦言没有太执著，而且亦不在意于企位和排名上。郭富城︰“你嘅作品唔系喺张相度（海报），我比较在意部戏内涵。”
古生几时会结婚？
讲完工作，Do姐问及三位的私人事，问到青云与太太郭蔼明的夫妻相处之道，青云笑言跟大部分人一样，冇乜特别，甚至都会有嗌交时候，那么如何解决？青云︰“唔使去解决，大家睇法上有不同，互相表达完就算，你唔会因为咁样而想去改变人，人相处得一个方法，就系体谅。”
至于城城就觉得自己还在学习紧做一个Family Man，点样做好爸爸角色。城城︰“以前工作就系为自己，而家要做一个模范爸爸，畀女儿见到爸爸工作好努力。”最后到仍单身的古天乐，他都承认见到两位有自己家庭都幸福，但自己就没有想到结婚。古天乐︰“我工作都已经占晒所有时间，时间都花在事业上。”
古天乐︰做电影都系一项基建一个科研
最后，Do姐问到三位可有想到退休时间表，郭富城率先作答︰“最近在开巡回演唱会有好大感受，我今日仲能够企喺舞台上跳舞，老啲我唔知仲可唔可以跳，但电影我可以。所以日后身体支持唔到，可能唔再跳，但就会继续拍电影。电影系真真正正畀我去成长的地方，令我睇嘢更阔，我会继续去学习。”
身为工作狂的古生，便火速说一个单字“冇！”，续说︰“放假都冇谂，唔好话退休，我会留喺呢行。”Do再追问会留在幕前还是幕后？“今时今日科技发展到咁，好难幻想将来电影系点样产生，可能有块芯片插在颈上，发梦时就可以看电影。做电影都系一项基建一个科研，不可以默守成规，唔系单单地不停拍，系要发明一些科技令件事进步。市场需要‘新’，嚟紧都想拍IMAX，或者用Virtual Studio拍，新技术，规模会大好多。”
唯一坦言有想过退休的只有刘青云。“我谂我会退休，我会先试下停一两年时间不再演戏，如果自己接受到不需要演戏，可以平淡地过日子，我就未必会返出来拍戏，不过我都唔敢包。”