我也是︱Lucy荣升家姐做好榜样　李璨琛愿留港工作：小朋友大得快

香港剧情电影《我也是》今日（12日）举行开镜仪式，主演林耀声、颜卓灵、李璨琛、余洁滢、吴肇轩、杜以辰等一众主演出席。电影《我也是》改编自“AV色魔”的真人真事，讲述疑犯因为被判终身监禁而上诉，案件于是展开连串调查，并由颜卓灵饰演的心理医生对林耀声饰演的犯人进行心理评估。

主演电影的李璨琛（Sam）于开镜礼上接受访问，表示自己在电影中客串饰演警察，负责重新调查案件，角色以文戏居多：“其实我都系帮导演Tony，因为系我识咗好多年嘅朋友，之前都有几次想合作，但系都因为时间唔啱而冇合作到。今次咁啱佢话有几日戏可唔可以帮帮手，时间上我又喺香港，所以（参演）纯粹系个人关系上嘅原因。”

李璨琛一家在年初再添一员，与太太诞下细女李斐斐并刚过百日，Sam表示近来都会集中在香港工作，以照顾妻女：“而家重心都会喺香港多嘅，尽量喺呢段时间陪到细𠮶个（李斐斐）啦，因为小朋友都大得好快，如果可以陪多啲就好。因为自己成日走，之前一走几个月，变咗错过好多佢哋细个成长嘅阶段，所以而家尽量可以嘅都留喺香港工作。”

李璨琛的长女Lucy李元元在网络上极受欢迎，社交媒体上的一举一动均被受粉丝注意，而近日分享与妹妹的互动亦非常可爱，Sam分享指Lucy已经适应妹妹的诞生：“其实未出世嘅时候都已经适应咗，佢都知道妹妹就嚟出世，一路都话畀佢知做家姐需要做啲咩，要帮手照顾妹妹、要做个榜样，灌输住呢个思想畀佢听，所以细细个已经练习点样喂奶，但系就比较粗暴咗少少啰！因为佢玩𠮶个玩具嚟嘛！塞个奶樽落去𠮶下就可能好大力！一放手佢就行咗去，咁我觉得都几得意嘅！畀佢慢慢嚟啦！”

然而李璨琛亦笑指其实Lucy并未能减轻父母的负担：“减轻唔到啦！佢唔搞事都已经好好彩喇！不过都ok，佢都算乖嘅！”又指现时主力由他负责晚上的照顾工作，好让太太能够休息：“夜晚𠮶餐我负责嘅，通常两点左右喂完𠮶餐我先瞓觉，咁我都本身夜瞓。”

日前，赌王千金何超仪（Josie）透露老公陈子聪（Conroy）的身体状况欠佳，作为圈中好友的李璨琛，表示自己在传媒报道后才得知Conroy的状况：“之前都唔会问呢啲啦首先，如果主人家唔自己咁讲嘅，我哋都唔会问。呢段时间大家都忙自己嘅嘢，我都系寻日睇到报道先知！希望佢早日康复啦！”