机动兵工厂︱郑中基女儿歌艺获网民盛赞　吴君如︰继承你天籁之声

郑中基旗下网上频道《机动电视台》筹办演员训练企划“机动兵工厂”，今日（4日）拍摄节目最后一集，郑中基（Ronald）携同两位从未于预告公开的重量级评审，吴君如及庄文强导演，一同欣赏点评六位学员的“大考”演出，决定艺员合约最后会花落谁家。

郑中基与吴君如于节目拍摄期间接受访问，Ronald表示：“今日‘大考’喇！佢哋嘅命运都喺君如同庄导演嘅手上！”而君如则笑指郑中基未有让她看各位学员的演出，保持新鲜感与直觉，她亦表示：“其实都几难嘅，又要自己写剧本、做埋独脚戏，呢样系好难嘅作为一个新演员。咁我觉得选都好困难，头先我已经静鸡鸡问咗Ronald有冇内定！”郑中基随即笑指：“冇㗎！你哋定呀！”君如则表示：“咁我就同阿庄导演讲：咁好大压力㖞！”

对于评选准则，君如则表示：“首先做演员一定要有感染力先啦！佢仲要喺咁短时间Draw（捉紧）到你嘅感觉，咁好紧要嘅！同埋有啲外型会好啲嘅！着数啲嘅点都！好似我哋呢啲有台型嘅，（向Ronald）又靓仔！咁咪着数啰！”吴君如亦笑指Ronald应该心中有数，会左右他们的评选，郑中基亦表示：“每一个我都有揾到佢哋一啲好嘅地方，一阵会拍我哋喺到倾嘅过程，唔会内定嘅！”但君如则笑指剪接也在Ronald手上：“魔鬼在剪接！”

“机动兵工厂”在展开时订明会签约获得冠军的一位学员，对于会否放宽签约六位学员，郑中基表示：“应该就唔会喇！咁我都要对其他参加嘅学员有交代嘛！咁赢咗冠军，但系我全部签晒，咁𠮶个咪‘吓！’”君如随即提议：“咁𠮶个咪高啲人工啰！其余𠮶五个咪奀啲啰！Intern咁！”Ronald笑指亦可以考虑，君如亦趁机会笑指：“咁你而家要搞大个厂、搞大个王国嘛！”她续指：“我觉得你好劲呀搞呢坛嘢！三个月前已经请我食饭，佢话‘搞坛大嘢呀家姐！’Ronald则笑指：“我惊你冇期嘛！几个月前已经Mark定先！”

对于女儿陈是知Jillian正式出道，吴君如笑指可以让女儿参加一下训练：“好好啊！因为囡囡唔听阿妈讲嘛！听外人讲嘛！所以绝对好呀！我觉得你咁有规模、个格局，我都想我个女报名啊！”郑中基则笑指：“如果有嘅话，我即刻话你知！到时你做评判！”吴君如大笑指：“我都系做评判！（内定？）一定……冇嘅！”对于女儿的发展意向，君如表示：“其实佢乜都想！佢主力系想演戏嘅，咁而家佢都好努力好努力学紧嘅，佢都自己学下、参加唔同嘅班、自己去Audition（试镜），呢啲我完全冇帮佢！冇走后门、冇任何咩！系佢自己争取返嚟嘅！”郑中基则笑指：“但系妳系出品人！”

而郑中基的子女亦充满演艺天份，他表示有考虑过训练他们：“我讲咗畀佢哋听喇已经！讲完之后‘而家有个嘢就咁样咁样…’听完之后佢哋就继续打机喇！”他续指子女尚幼，现阶段未有相关方向的意识，但女儿对唱歌有兴趣。早前郑中基女儿校内的歌唱表演被网友评价为天籁之音，郑中基谦虚表示女儿尚有许多学习之处，吴君如则笑指：“终于有（个）女继承你𠮶把天籁之声！”郑中基亦指：“我暂时冇教佢哋唱歌，我剩系教佢哋开声啫！开声好紧要㗎！你点样Keep𠮶把声就系靠开声。”君如则笑指：“系基因好！”

而郑中基则认真地表示：“因为真系要学，我以前都以为唔驶学，但系学咗之后就知道系好好多㗎！”他续指：“佢（女儿）钟意唱歌，但系又好怕表演。所以佢𠮶日出嚟唱，佢觉得有些少被迫，唱完即刻除衫（戏服）走咗！换返佢啲衫就去玩！”至于女儿会否再次在演唱会中亮相，Ronald笑指：“睇佢自己要唔要，我会问下佢啰！佢通常好多时都拒绝我㗎！但系佢拒绝得嚟唔系一下，佢会‘嗯……好呀！不过我睇埋本书先！今次唔住喇、下次先！’佢会畀个希望我，次次都系Band我！”