鲜浪潮｜杜琪峰叫Tiger做虎导　“唔惯呀，叫返虎仔得喇！”

第17届香港鲜浪潮国际短片节今日（20日）举行开幕记者会，领航多年的杜琪峰导演携同一众入选作品导演及拍摄开幕短片《是日精选》的MIRROR成员“虎导”邱傲然（Tiger）一同出席。杜琪峰亦是继日前于柏林影展发表具争议言论后，首次公开露面，他发言时除了表示期待本届的入围作品外，亦感谢香港电影发展局及刘銮雄旗下基金对鲜浪潮的支持。

MIRROR成员Tiger于记者会后拉接受访问，对于拍摄《是日精选》一短片，分享当中的难忘时刻：“难忘嘅系AK系我哋呢套戏嘅副导演，可以分享一件趣事，通常嗌Action都系‘3、2、 1、Action！’嘛，佢系‘3、2’然后就嗌Action，有阵时都要捉下佢嘅节奏。”他笑指是AK的个人习惯：“可能系特登，又可能系佢惯咗啦！”而作为导演，Tiger没有特别享受叫Action与Cut等时刻：“通常都系佢哋嗌！”

《是日精选》齐集不少MIRROR成员参与演出，Tiger表示兄弟们在场对他帮助甚大：“拣咗佢哋嚟一齐玩，会令到我冇咁紧张。导演要教佢哋点做，如果熟啲Friend啲，有啲嘢可以照直讲，如果有啲好资深嘅演员，就会好惊好惊！”

Lokman系演技担当

短片由队长Lokman杨乐文主演，Tiger笑指：“Lokman就唔驶讲啦，佢简直就系演技嘅担当！《命案》大家都要去睇啦！揾佢哋系因为觉得好啱佢哋，有少少玩玩下嘅角色。同埋Jeremy嘅角色同佢个人嘅反差好大，相信大家睇完都会‘O咗嘴’！”至于未能齐集其余11位兄弟，Tiger表示：“佢哋忙呀！唔系我唔想！”至于会否下一部可以齐脚？“首先有下一部都好难得啦！第二要储齐12个我谂都炆啲。”至于兄弟在拍摄期间的NG次数，Tiger笑指：“（最多）好似系皮皮！其实都唔系特别多，几次咁啦！”但亦指：“其实佢就得几句嘅啫！佢冇唔记得，但系啲走位早咗慢咗咁啫。”

获花姐鼓励︰写啲嘢出嚟拍下啦！

Tiger暂时未以剧情长片为目标，甚至觉得有相当距离：“太长远喇呢个计划！梗系想啦，但系要努力一排先，等多啲经验先可以处理到咁大套戏。”但亦提到经理人花姐的鼓励：“花姐系咁叫我哋写剧本！‘你哋写啲嘢出嚟拍下啦！’但系要啲时间，所以有咁嘅谂法。”Tiger坦言未有下部作品的方向，表示对多项题材均有涉猎的兴趣，不会为自己下太大的规限，亦表示期待与德仔、Stanley在同类怍品下合作。

因为执导《是日精选》而被称为“虎导”，Tiger笑指不知道连杜Sir这样称呼过他：“有咩？我唔知啊！唔惯㗎！因为导演、演员、歌手呢啲名衔，我觉得太沉重，唔系你自己话系就系，我觉得大家嗌返虎仔得喇！”表示作品为他探索一个属于自己的新领域，通过两个月的奋斗拍摄，发展自己有极浓厚的兴趣，希望有机会继续向电影创作方面发展。至于开幕短片的竞赛机会，Tiger解释指：“冇㗎！呢个纯粹系表演性质！系开幕短片。”

Tiger一向认真演出工作，表示未能预告下一部作品的推出时间：“要视乎时间、档期上我有冇机会做呢件事。因为决定咗去做就要瞓身去做，做唔到其他嘢。”亦暂时未有自导自演的想法：“因为我觉得一面都未搞掂嘅时候，又一齐搞两面就做唔嚟”去年作为鲜浪潮颁奖嘉宾的Tiger，颁奖前的发言令观众对“下弦”的他加添不少印象分，对于拍摄机会是否起源于该段发言，Tiger表示，“我唔知呢？可能有又可能冇啦！我觉得呢啲好玄！命运啊！好似我条片个Topic。”

日前举行的第41届香港电影金像奖，MIRROR成员Edan吕爵安及阿Jer柳应廷入围的三项“最佳新演员”提名皆未有获奖，Tiger表示他们未有感到失落：“佢哋又冇唔开心㖞！都唔系好使安慰呀！个个都好开朗！”