给十九岁的我︱争议下成最佳电影 郭伟伦︰应该企出嚟光明正大拍
撰文： 莫匡尧
出版：更新：
《第41届香港电影金像奖》颁奖典礼，昨晚（16日）于文化中心举行，焦点大奖“最佳电影”奖，由早前备受争议的纪录片《给十九岁的我》夺得，与张婉婷联合执导的导演郭伟伦，于典礼后台接受访问。
对于《给十九岁的我》在争议下得奖，郭伟伦受访时表示：“我嘅感想系佢（争议）都系纪录片嘅其中一部分啦，纪录片衍生出嚟嘅事件，系继续可以讨论嘅，不论系正同反嘅我哋都会接受。”对于电影在得奖后再度上映的机会，郭伟伦表示英华女学校与影片各方均在讨论可行性及处理细节。
而在颁奖礼开始前，《给十九岁的我》其中三位有份参与的女学生马燕茹、阿雀及Madam，与导演一同盛装低调到场，郭伟伦表示：“系我哋邀请佢哋嘅，佢哋愿意一同出席。”郭伟伦得奖后，在台上曾表示：“记住唔好惊！拍咗先算、剪咗先算！”，郭伟伦在后台受访时进一步阐释：“我谂我哋今次教训其实令大家知道，点样去保护我哋创作人嘅拍摄与电影作品。咁我哋汲取教训之后，攞咗经验、避免啲问题再发生，所以我继续应该企出嚟、光明正大咁拍我要拍嘅嘢！”
郭伟伦亦表示曾希望张婉婷导演能与他一同出席金像奖颁奖礼，但他表示：“事件对佢嘅打击实在太大，咁佢都公开同大家讲佢唔会出席，所以我代表佢嚟领呢个奖。”他表示张婉婷应该感到开心，十年来的辛劳受到金像奖、导演会及评论学会的奖项肯定。郭伟伦亦续指不敢说业界以奖项为他与《给十九岁的我》进行平反，然而：“客观啲讲，佢哋对呢套戏嘅艺术上、内容上嘅认同。可以将作品还作品、争议还争议，分返开？我唔知。”他更感慨地表示：“好可惜！我哋呢套戏系实至名归嘅！好可惜我哋呢套戏未有机会畀好多人睇到，亲自感受呢套戏到底系点嘅一回事。当大家睇到套戏究竟系咩一回事嘅时候，我相信会有更公平、公允嘅判断！”