金像奖2023｜刘青云封帝赞颁奖礼perfect︰香港电影新一页已开始

刘青云于昨晚（16日）举办的《第41届香港电影金像奖》再封影帝，提及韦家辉受访时想再与他合作，拍摄黑社会题材，青云即刻回复：“唔系嘛……咁我咪冇好嘢捞！问清楚先好，韦家辉啲嘢你都唔知系乜嘢，我相信都唔会系容易。”

对于剧本方面的选择，青云表示：“我而家拍戏好讲点样拍，用咩方式拍，而家世代改变了，金像奖好多导演的方法同以前唔一样，咁我觉得如果能够用一个比较好的空间畀演员，在一个比较放松的方式演戏我觉得几好，好似我以前拍《神探》咁，未返工已经绷紧，个人情绪一路都hold著。但如果我哋有空间提供给演员松容地去演个神探，咁又会点呢？我都可以咁样试下。”

这是青云第三度攞“最佳男主角”，他坦言今次尤其开心：“大家睇到电影金像奖呢个颁奖典礼真系做得好好，流程𠮶方面好好，又华丽又靓所有嘢都好perfect（完美），就算唔系我攞奖都觉得系好开心的事，因为我哋香港有个咁好的颁奖典礼，多谢尔冬升同佢团队，做咗好大的努力，尤其是前几年发生咁多事，其实大家都艰难了一段时间，亦都真系见到好多新演员同导演，大家都好有理想好有谂法去做一件事，我好觉得香港电影新的一页已经开始咗，呢个系新时代。”

早前金像奖的纪念特刊写错青云英文名做“Edan Lui”，不过青云完全无将此事放在心上：“冇唔开心，正如我所讲，成个团队都付出好大的努力，当然发生呢件事佢哋好快反映，联络咗我，所以对我来讲绝对冇问题，佢哋义工嚟，都好努力。”