《给十九岁的我》夺最佳电影　联合导演郭伟伦：拍咗先算上咗先算

《第四十一届香港电影金像奖颁奖礼》今晚（16日）圆满结束，因陷多项争议风波而中途停映的《给十九岁的我》，最终拿下最佳电影，引起网民热议。

一早讲明不会现身的导演张婉婷，由另一位联合导演郭伟伦代为发表得奖感言，郭以“这部电影的灵魂”来形容张，而张的谢词提到：“过去一段时间，由丈夫罗启锐死亡的黑洞，到《给十九岁的我》面世，瞬间令我可以躲进一个种满美丽植物的小花园，再因为一场风波，将我一头掉进一个漆黑嘅森林，这一切令我领悟到人生嘅无常”。

张引用已故坂本龙一名言“艺术千秋，人生朝露”，并形容制作《给十九岁的我》是今生无悔：“多谢呢段时间仍然给我支持同鼓励嘅人，多谢业界对呢部电影嘅肯定，令我喺黑暗当中渐渐见到曙光，让我知道虽然人生处于低谷，但仍然意味着前路只有向上嘅可能性，感谢石校长交畀我哋呢个任务，我哋今生无悔，感谢所有参与拍摄同学们，感谢你哋面对自己，面对观众嘅勇气。更感谢十年来同甘共苦嘅团队，人生有几多个十年可以畀大家追逐一个梦想，一齐面对高山低谷，最宝贵系十年嘅磨练令我哋成为莫逆之交，多谢大家。”

最后郭伟伦表示：“感谢英华女校信任，畀我哋拍呢部横跨十年嘅纪录片。我个人想讲一句，香港拍纪录片嘅导演，请你继续努力去拍纪录片，唔好惊，因为时代需要拍纪录片，用镜头纪录我哋发生嘅事，记住唔好熄机，继续拍，唔好惊，拍咗先算，剪咗先算，上咗先算。”

监制黄慧亦因身体抱恙缺席，由分组导演李淑娴代为读出感言：“多谢评判对《十九岁》嘅肯定，感谢石校长嘅远见，以学校重建为基础，见证一群少女的成长，交织成一个反映时代，令我哋近距离观察成长嘅历程，见证到教育、家庭、社会对成长嘅影响，感谢佢对我哋嘅信任，将咁艰巨同奇特任务畀我哋，而呢个制作能够开始，令我哋经历呢十多年奇妙旅程，感谢多位同学嘅慷慨，愿意分享自己成长嘅过程，以自己生命鼓励同影响万千观众嘅生命，亦多谢一班儍劲嘅制作团队，有佢哋嘅不离不弃，呢个制作先能够完成，最后请大家一齐祝福张导演，我嘅婉婷同学，经过咁多个月无可理喻嘅折腾，祝愿佢明天就走出幽谷，再接再厉，后劲更凌厉。”