金像奖2023红地毡｜特刊印错名　柳应廷冇所谓：个样出现已好荣幸

《第四十一届香港电影金像奖颁奖礼》今晚（16日）举行，《阿妈有咗第二个》的毛舜筠（Mo姐）、姜涛、柳应廷（阿Jer）一齐行红地毡，并接受访问。谈到特刊封面扉页海报印错阿Jer的英文姓氏，由“Lau”错写成“Laui”，他大方表示冇所谓。

《第四十一届香港电影金像奖颁奖礼》今晚（16日）举行，《阿妈有咗第二个》的毛舜筠（Mo姐）、姜涛、柳应廷（阿Jer）行完红地毡一同受访，谈到特刊封面扉页海报印错阿Jer的英文姓氏，由“Lau”错写成“Laui”，他大方回应：“少少人为错误，但我觉得冇所谓，大会都讲咗补救方法，就系印返本正确嘅畀大家。我觉得自己个样印到系场刊已经系好荣幸、好开心，我都多谢业界朋友提名，令我个样可以出现喺场刊。”

讲到电影主题曲《风雨不改》入围“最佳原创电影歌曲”，主唱的姜涛表示很开心。他说：“好开心，并入围系一个好大嘅肯定，多谢支持呢套戏嘅每一个人，你哋一点一点嘅支持先有咁嘅成绩。”今晚他将在金像奖献唱这首歌，坦言非常紧张，阿Jer去年凭《妈妈的神奇小子》主题曲《神奇之路》首度入围同一奖项，他以过来人身份分享经验说：“我上年好似好镇定，但音乐一响起，其实边个都会紧张！”Mo姐则叫姜涛好好享受舞台。

Jer又透露花姐千叮万嘱记得几紧张都要笑，要靓仔和保持皮肤状态，讲起入围“最佳新演员”，Jer心情顺其自然，并说：“我哋获得提名已经好开心，唔谂太多奖项喇，一谂你攞唔到就好失落，有咪Bonus啰，志在参与。”姜涛亦以平常心面对，问到妈咪对他入围有没有任何表示，他说：“妈咪好少煮饭，佢应承煮餐饭畀我，话我成日出去食。”又赞Mo姐煮嘢好食，叫妈咪向她取经。

凭《阿妈有咗第二个》角逐影后的Mo姐，被问感受时只说：“好开心，拖住两个仔已经好愉快，金像奖今年特别搞得大，所以我觉得真系好开心，香港返返嚟咁开心嘅情况，尤其是电影界。Backdrop对住个海，好靓，我享受紧所有嘢！”