死尸死时四十四︱修改群戏要现场飞纸仔　编剧江皓昕：简直系捉虫

香港黑色喜剧《死尸死时四十四》日前正式上映。电影为《正义回廊》导演何爵天第二部执导的剧情长片，并由毛舜筠、郑中基、MIRROR成员Edan吕爵安、阿Jer柳应廷、杨伟伦、黄又南、余香凝及李尚正等主演。早前《死尸死时四十四》演员李尚正及编剧江皓昕接受《香港01》专访，大谈电影故事的起源、与导演何爵天拍摄期间的合作点滴，以及编剧在《那夜凌晨，我坐上了旺角开往大埔的红VAN》里与陈果导演的合作。

作为《正义回廊》导演何爵天的第二部剧情长片，《死尸死时四十四》与前作一样为一部以群戏为主的电影，编剧江皓昕接受专访时提到剧本由2019年3月起构思，与监制Amy（钱小蕙）一同开发，直到2021年时请何爵天加入。江皓昕指出与擅长拍摄群戏的何爵天合作，可算是一场美丽的意外：“我哋𠮶时冇人睇过《正义回廊》，虽然佢已经拍完，但系未剪完、我哋都唔知佢拍咗呢套戏。可能我本身钟意写群戏，以为自己钟意写啦、但其实原来唔系，所有嘢都系偶然嘅。”

江皓昕进一步表示，群戏亦是自己热爱的类型之一：“我钟意睇啲故仔系一班杂牌军去做一啲好戆居嘅任务，中间发生咗一啲更戆居嘅事，但最尾好睇㖞！其实讲嚟讲去都系《回魂夜》啦！”但处理群戏，不论在剧本与拍摄上均具有一定难度，阿昕续指：“我作为一个创作人就好钟意嘅，但系作为落到场嘅编剧，就发觉自己简直系‘捉虫’喇！好大挑战性啦！犹其系Amy揾到一个咁好嘅Cast返嚟，个个都系超级聪明嘅人，每一个人都好有睇法。我每次去到现场，犹其是阿卵（杨伟伦）啦，就会捉住讲，另一个演员睇到、又有佢嘅睇法，咁我改一个就牵一发动全身。”

编剧临场应变“飞纸仔”

提到凭《正义回廊》提名第41届香港电影金像奖“最佳男主角”的演员杨伟伦，江皓昕表示对方在戏剧的认真为《死尸死时四十四》增色不少：“其实系倾向改演绎上嘅角度，阿卵因为对演戏非常有要求，佢会比较多睇法，我亦都学到好多嘢。因为佢哋APA（演艺学院）里面接受Classical Training（传统训练），出嚟对戏剧应该系点、定位应该点，我就照住去修改一个版本。”他亦表示阿卵的意见并非集中在自己的角色身上：“佢喺现场有少少似一个Acting Coach，因为佢识阿天，所以其实中间有个化学作用喺到，佢就会以一个演员出发去畀意见。咁作为编剧就会喺现场改，出现一个俗称‘飞纸仔’嘅情况。”

“飞纸仔”对观众而言有如电影版的“都市传说”，作为入行近十年的编剧，江皓昕分享指：“我哋呢代编剧，所谓‘飞纸仔’嘅情况其实唔算接触得太多。九十、二千年代初𠮶一代编剧，例如Sunny Chan（陈咏燊）、《毒舌大状》嘅吴炜伦佢哋，再早系韦家辉𠮶啲先会知道咩叫‘飞纸仔’。银河映像佢哋有所谓嘅‘飞大纲’、‘飞分场’或者‘飞剧本’，佢哋会‘飞大纲’，咁先系真正嘅‘飞纸仔’！”

当《红Van》原著作者遇上电影

在《死尸死时四十四》前，江皓昕最为观众熟知的作品，或许是《那夜凌晨，我坐上了旺角开往大埔的红VAN》（下称《红Van》。作为原著小说作者Mr. Pizza，阿昕提到与陈果导演合作的缘起：“我写完小说啦，佢哋话要拍，有几个导演有兴趣、可以拣。咁我见到有陈果！以前读电影，有一年嘅论文就系写陈果，觉得佢嘅《香港制造》好劲，咁所以即刻‘𦧲饭应’啦！咁阿果系一个独立导演、性格亦都非常独立！所以同佢写剧本，系写咗自己想要写嘅嘢先，我写咗一两稿，再交畀佢改头换面变成而家嘅版本。”

江皓昕坦言《红Van》的电影，成果与原初的想法存在距离，但陈果导演的处理亦具有一定启发性。江皓昕表示：“其实类型上已经有少少唔同，小说其实系好惊栗、悬疑嘅类型，类似史提芬．京（Stephen King）𠮶种，冇咁多喜剧元素喺里面，之后阿果认为喺香港拍呢个世界出嚟未必有好多人相信，喺咁紧绌嘅资源里面亦都好难做到想像嘅效果，所以就将陈果嘅视角，一啲政治、草根嘅元素放入去呢个世界。”

曾参演《红Van》的李尚正听毕笑指：“我记得佢𠮶时系唔觉得好嘅，好明显、直情系黑面嘅！”阿昕亦笑指：“我不嬲都黑面啦！但系而家谂返先觉得学到嘢。”续指：“同埋阿果系一个好值得尊重嘅导演，唔系咁多导演，仲要去到佢呢个年纪、级数，系仲会攞住部机冲出去拍嘅，佢对电影嘅热诚系好值得尊敬嘅！”