死尸死时四十四｜毛舜筠对封后有信心　郑中基戥吕爵安双提名唔抵

撰文： 许育民
出版：更新：

电影《死尸死时四十四》今晚（29/3）举行首映，主角毛舜筠、郑中基、吕爵安（Edan）、黄又南、余香凝等都有出席，Edan更是由日本赶回来出席首映，亦由于太忙连手信都冇时间买，身为戏中的阿爸郑中基及《过时‧过节》的阿妈毛舜筠都表示唔介意。“每个都要买手信又唔系几好，佢赶得切返嚟出席首映已经好好。”毛姐说。

呢班在电影《死尸死时四十四》中的左邻右里，于首映再次相聚。（叶志明　摄）
两位再见阿仔吕爵安，分别觉得瘦咗又高咗。（叶志明　摄）

原来几位都有好一段时间冇见面，毛姐就坦言见番Edan，觉得他瘦了，而郑中基就觉得他高了。“我本身都已经著一对比较高踭的鞋出来，等大家唔好相差咁多，点知佢今日都有著，我见到都唉……下次可能要踩高跷。”

问到下月举行的香港电影金像奖，凭《阿妈有咗第二个》有份竞逐最佳女主角的毛姐，就话开始准备战衣，更坦言自己对奖项几时都有信心。“但呢个系行内一个大派对，大家唔好将赢输放得太重，今年好开心，多入围嘅都系我啲仔女（吕爵安《过时‧过节》、柳应廷《阿妈有咗第二个》、杨伟伦《死尸死时四十四》），个个我都想佢得奖，连我今次个女余香凝都有入围，拣是但一个都唔得。”

毛舜筠喜见一班“仔仔女女”，在今届金像奖都有提名。（叶志明　摄）
郑中基有戥吕爵安在金像奖双提名担心︰“惊会分薄自己啲票。”（叶志明　摄）

至于身为“阿爸”的郑中基，就坦言戥Edan唔抵︰“因为佢有两部戏入围新演员，我惊会分薄自己啲票，不过另一个想法，系要咁叻先可以有两部入围。”