吕爵安日本返港出席首映 难忘当地开工饭盒：系青红椒同冬菇寿司

吕爵安（Edan）今日（29/3）从日本完成工作回港，便立即出席《死尸死时四十四》首映，谈到当地工作，Edan指比预期中繁忙，冇时间买手信，亲妹都只系得一粒士多啤梨大福饼。连日要通宵工作，飞机上又瞓唔到，所以自言这刻转数比较慢。

提到在日本开Live回应“抄CP”事件，Edan一再强调自己冇嬲。“我只是叫大家唔好咁易生气，其实我每次都不是专登出CP Po ，冇特别多，纯粹两个朋友去玩Po多两张。我都明白作为艺人，不是任何事都要作出反击和澄清，但艺人容易被抽秤，所以点回应都系一门艺术。”谈到队友在当地有个神秘big project ，Edan因赶回港开工无法参与。“我都好想join，不过因为要返来做首映，冇办法，下次吖，希望佢哋都顺顺利利。”

讲到今次日本之行，最令Edan难忘反而系当地开工饭盒。“因为日本嘢向来好食，大家都好大期望，但有一餐我得到个寿司套餐，分别有青椒寿司、红椒寿司同冬菇寿司，以为自己食紧明将咁，仲要好冻。”另一难忘是去到日本，都有住在当地的香港人，特别来接机送机，而卢瀚霆Anson Lo更有日本人粉丝，见面时甚至喊出来，好厉害。