HKIFF︱Locker家忻惊传分手 袁澧林间接证实：大家都Move On咗
第47届香港国际电影节（HKIFF 47）今日（10日）举行记者招待会，介绍本届两部港产开幕电影，由本届焦点影人郑保瑞执导、MIRROR队长Lokman杨乐文及林家栋主演的作品《命案》将举行亚洲首映，由许鞍华导演的纪录片《诗》则会进行世界首映；由卓韵芝执导作品《送院途中》亦会以闭幕电影举行世界首映。
Locker与Kayan9896惊传分手
近日惊传“试当真”女神吴家忻（Kayan9896）与Locker林家熙分手的传闻，作为“试当真”的紧密战友，游学修在记者会后接受访问时笑指与Locker不太熟悉：“我冇㗎！我剩系同佢做嘢，之后冇乜交集，唔系好Friend㗎！”又指：“拍嘢咪拍啰！唔倾㗎、我唔同佢倾㗎！”
袁澧林（Angela）早前与家忻一同到东京旅行，在记招上接受访问期间，则间接确认消息：“首先我觉得两个都系非常之好嘅人啦！家忻系一个性格超级好嘅女仔，可以讲嘅系大家都Move On（向前看）咗啰！因为其实佢哋分开系……”游学修诈作不知，表现惊讶：“佢哋分开咩？”袁澧林略显尴尬，笑指：“你喺到伏我？”游学修则继续一贯口风：“我唔知呀！原来佢哋Move On咗嗱？”
袁澧林于是续指：“两个都系我好好嘅朋友，两个都系好好嘅人。”游学修则表示：“分开唔一定系坏事嚟嘅！”至于Locker与家忻日后会否因此而不再于“试当真”同框演出，游学修则表示“唔会啦！其实我哋早排先一齐拍完片，冇呢啲嘢！”
袁澧林讲粗口
Angela在记者会上介绍《送院途中》的角色时，自爆在戏中讲许多粗口，接受访问时则解释角色的来龙去脉：“喺《送院途中》里面做嘅角色系一个护士，台词有好多粗口，因为佢嘅Character（性格）好爽直、（游：几有工作压力、好辛苦！）工作压力大，护士好辛苦！呢套戏里面嘅女人聪明过男人。游学修饰演嘅黄Sir同古生饰演嘅马Sir都有啲好Stubborn（固执），我嘅角色系想揭穿佢哋、想佢哋面对返个现实啰！”
在拍摄团队面前讲粗口对白，Angela似乎仍然略感不习惯：“啲台词成日讲粗口，拍摄现场有好多人，我声大大咁就觉得好搞笑啰！好少有机会喺咁多人面前讲。”而作为基督徒的Angela，讲粗口似乎亦多少令她感到内疚：“返屋企会祈祷啰！对唔住啊！因为讲咗好多粗口。”
而在拍摄前，Angela与《送院途中》的团队亦为演出准备周全：“我哋拍摄之前有好多Acting Training（演技训练），主要系担心我啦，因为两年前都唔算好多演出经验，可能又见到我嘅气势好弱、状态唔算好好，所以训练我成为一个好爽直、好大剌剌嘅人。咁我哋喺训练里面就揾一个方法，不如扮卓韵芝啦！其实我系颇担忧嘅，因为唔知自己做咗啲乜嘢。”至于扮卓韵芝究竟有几成似，Angela则表示：“我扮唔到啊！我冇佢咁有才华！”
扮卓韵芝饰演角色
《送院途中》导演卓韵芝在记者会后亦有接受访问，谈及袁澧林扮自己进行演出，卓韵芝笑指：“呢个Angela啊！我冇谂过佢哋喺到扮我㗎！后尾佢走嚟话‘我做一场畀你睇呀！’跟住就走，我就觉得几好啊！跟住就喺到扮嘢。其实唔系嘅，Angela系有自己嘅风格嘅，我有睇《窄路微尘》啊！佢明显系有自己嘅风格㗎！”
虽然《送院途中》在《窄路微尘》后才上映，但在制作时序上却是相反：“系拍咗呢套先嘅，所以‘Angela是Angela’嚟嘅。呢部喺开始前两个月呢，我哋系操到佢哋死咁滞，不停咁Acting Class、不停咁倾剧本，逐句对白倾，‘你觉得佢谂紧乜嘢呢当时？’亦都会随住佢哋嘅想法去作出少少改动嘅。”
被古天乐闹喊
拍摄《送院途中》期间，游学修与老板古天乐有不少对手戏，游学修自言存在压力：“一开始有啲压力啰！因为佢平时都多计倾，但系去到开工头一两日佢系完全同我零交流，除咗拍戏嘅时候，亦都冇同我倾任何嘢。因为一开始喺戏里面都唔系好熟，隔咗个农历新年，佢话‘你做得几好㗎！OK㗎！但系你可以再掉多啲嘢出嚟’。”游学修更笑指在拍摄期间发现了古生的另一面：“佢成日喊同埋成日闹人啰，喺戏里面，现实就唔知啦！但系我都惯㗎喇！”
早前于《爆谷一周》自爆曾被老板古天乐闹到喊的袁澧林，在访问中更详细地分享背后源起：“其实系我自己嘅问嚟嘅，我演出唔够到位，𠮶场系个角色其实做咗啲好大镬嘅嘢，其实佢帮紧我进入去𠮶个状态。”观众在观看Angela提名金马与金像奖的《窄路微尘》后，才有机会观看制作时间更早的《送院途中》，Angela自言：“麻麻哋我都预咗㗎喇。”
游学修则乘机调侃Angela一番：“佢就惊㗎！因为而家威呀！提名晒嘛！”袁澧林害羞地笑指：“呢个系你讲嘅！”游学修亦笑指：“系！呢个我讲嘅！因为佢而家威喇！被受肯定，Loop返两年前就惊自己未受肯定，惊表现唔好。”袁澧林则收起笑容，正经地表示：“我又好坦白，接受到自己有啲嘢系做得唔叻。首先可能我对自己要求高啦，大家睇完可能觉得冇乜嘢嘅！同埋演戏嘅路好长，廿几三十年咁，总有啲嘢自己做得唔叻。”
袁澧林都要减肥？
香港电影金像奖颁奖典礼将于4月中旬举行，提名“最佳女主角”的袁澧林作为候选影后，必然现身典礼前的红地毯环节。Angela提到红地毯，笑言：“未揾到战衣呀，但系由而家开始要戒糖！因为最近饮珍珠奶茶又饮得……”游学修开玩笑地打断袁澧林：“你要减肥呀？”Angela则笑指：“我唔系减肥呀！你唔好Body Shame（攻击身形）我啦！我想手臂啲线条靓啲啰！”