武替道︱刘俊谦蔡思韵合体演武打无感情线　默契表示︰我哋唔识㗎

香港武打动作电影《武替道》，是第七届首部剧情片电影计划专业组优胜作品，由新晋导演梁冠尧、梁冠舜兄弟共同执导，刘俊谦、蔡思韵、董玮、伍允龙、林耀声、梁雍婷等主演。《武替道》今日（4日）举行电影开镜礼，导演携同一众演员出席，祈求拍摄顺利、票房大好。

继《幻爱》后再次拍档参演电影的刘俊谦与蔡思韵，于开镜礼上接受访问。刘俊谦首先介绍自己的角色：“我嘅角色叫做龙仔，佢系一个好钟意武行嘅人，平时嘅工作系做一个武师，但都唔可以全职！现实中很多武师都未必可以当全职，角色成日想进入武行嘅主流世界，但始终唔得。”

而蔡思韵角色叫Cherry：“我系演Dee哥（董玮）个女，佢（刘俊谦）系Dee哥嘅徒弟。Dee哥就系一个半退役嘅武术指导嚟嘅，因为某啲原因，就暂时冇再做。我嘅角色主要集中同爸爸嘅关系，因为爸爸佢太投入电影、好专心做嘢，所以忽略咗屋企，个女大个，好想要返爸爸嘅Attention（关注）同爱，但系佢唔会用一个好直接嘅方式表达。”

在电影中饰演一位武术指导的女儿，蔡思韵笑指或许有点“男仔头”的成分：“呢个角色系比较倔，系个唔会直接表达情绪和情感嘅人，但其实佢心底好渴望爸爸嘅爱，咁样嘅关系。”而角色设定上，刘俊谦与女友蔡思韵似乎未有感情戏份，刘蔡异口同声地表示：“我哋唔识㗎！”蔡思韵更表示：“开心呀！各有各做。”刘俊谦亦甜蜜配合：“几好玩呀扮唔识！”蔡思韵更补充指：“因为我哋唔系有好多同场，喺角色入面我见到呢个人（刘俊谦）我系唔识得佢嘅，后尾先知道佢系我爸爸嘅徒弟。”

刘俊谦于《武替道》开镜礼上以一身黝黑肤色示人，与过去白净的形象颇大分别，他惊讶表示：“睇得出咩？啲人成日话睇唔出，晒灯啰！同埋剪咗呢个……”蔡思韵笑指：“傻仔头！”刘俊谦续指：“好可爱嘅头啦！主要系想个角色……贴近返个角色多啲，因为个角色比较Young，我都唔系好Young㗎喇！”他表示晒自然光相对更花时间：“因为唔够时间，晒灯好快、几分钟。我晒咗三四次啰，其实都要Keep住补色。同埋惯呀！我之前试过晒得仲黑㗎！”

难得参与动作武打电影，蔡思韵却激动地投诉：“我冇机会做动作戏！”刘俊谦笑指：“你嘅动作戏就系整陶瓷！”蔡思韵似乎仍感不忿：“因为我嘅角色系整陶瓷嘅女仔，所以都偏文静少少。即系我觉得明明参与一部动作电影，但我冇得玩动作！我要投诉！我希望下次有机会做。”至于刘俊谦，参与的武打动作自然不少：“因为我（角色）系一个武师嚟㗎嘛，咁以前嘅动作戏就系打人啦，今次就畀人打多。好多时候武师要做替身，打嘅时候要做畀人打𠮶反应、畀人挞呀，呢啲会比较多。”

作为男神，刘俊谦笑指保护靓仔样要有方法：“一定系唔打面！但系要做到好似畀佢打咗块面咁！呢一下系难啰。咁前排系Keep住有上堂，跟啲真正嘅武师学下点样去做。”他续指：“其实讲真都系几堂㗎咋，都系唔够。不过啲武师好好，佢哋都教得我好全面。”

拍摄动作电影，相比文戏有更高的受伤风险，刘俊谦表示自己已做足心理准备：“尽量小心啲啰，但如果要伤嘅话都少不免。有时创作嘅嘢，都唔能够太锡身。”他亦表示有稍做运动配合角色：“少少啰，因为现实中武师并非健美先生的身型，反而佢哋要灵活。”蔡思韵则同意：“唔可以太大只。”