流水落花专访 | 郑秀文挣脱“突破”枷锁　诚实面对50岁容貌

郑秀文（Sammi）由2019年的电影《花椒之味》开始，接连尝试了几套较为严肃现实的题材，人物性格与造型都较以往更加普通贴地，对演技也颇为考验。虽然当年再度与金像奖擦身而过，但这并未阻碍她前进，在机缘巧合下，与陆骏光拍摄了新晋导演贾胜枫的首套电影作品《流水落花》，以寄样家庭为题材，Sammi在戏中饰演“陈天美”，一个不折不扣的师奶，看惯她的百变形象，却很难想象她做“师奶”是哪副模样。

花大量时间思考角色肢体语言　受细个邻居启发塑造外柔内刚形象

《流水落花》在上映前已售卖了多个优先场，不少戏迷观影后，都看到了Sammi的突破与改变，就连走路，甚至是说话的声音，都看不到半点“郑秀文”的影子，做到与本人如此大相径庭，Sammi表示“去思考。”她续指道：“开拍都好多时间畀我哋去消化个剧本，建构角色，特别我知我行路，因为有一种Sammi（好似）成只蟹咁样行路，咁我就思考呢个角色佢个肢体应该系点样，努力呈现喺当中，但系我好开心，好多人睇过呢部戏，睇到我喺肢体上面𠮶个改变。”

原本Sammi绞尽脑汁如何呈现“陈天美”瘦骨如柴但内裹又充满力量的状态，在这过程中突被唤起小时候同住大厦的邻居：“佢真系咁瘦！据我所知佢经历咗好多嘅悲欢离合，佢人生好苦，但系我细细个印象，每次净系望著佢背影，佢虽然一条柴，但我睇到佢系一个好似好坚强好努力活着的一个女人，咁我就明，如果呢个角色里面有个反差，一个咁瘦，经历咗咁多嘢的一个女人，但实际上佢内心有某种坚强，我要撑落去，同埋从来都唔将我内心的悲喜，甚至完全唔将伤悲同丈夫分享，呢种瘦到极致，对呢个角色系有帮助。我后尾再睇返成套戏，譬如有啲back shot（背影镜头），我同啲小朋友行，拖著佢，或者我攞著抽𩠌，但系个背影系好瘦嘅时候，好有呢个角色的效果。”

与贾胜枫合作学识演戏留白　不再被“我要突破”枷锁束缚

以往的影视作品中，Sammi几乎都是与经验较丰富的名导演合作，不过今次同新晋导演亦有擦出不同火花，令她在拍摄过程中对演戏有了多些体会：“导演在处理整个故事，我觉得佢拍摄手法或者个剪接手法里面有好多恰当的留白。我觉得原来作为一个演员，好多时在演戏上面有适当情绪上面的留白，其实相当重要，未必每场戏你都要去到最尽，七情上面好多表情，先至代表你做紧（戏），而系有点适当留白，有点空间畀观众去消化你的情绪，一个好简单的眼神，一个细节眼神。作为一个演员，我觉得必须要学习同埋好好咁掌握呢种适当的留白，同适当的爆发，如何在当中攞到一个点系相当之重要，会令到观众觉得你处理呢个角色好睇。”

众所周知，Sammi在现实中从未做过妈妈，戏剧中也只有两次经验，但她不止一次提及，今次的表演反而令她感觉松容：“我谂我在某个内心其实唔知几时开始好似冇咗个负担‘我要突破’，即系成日未做好之前，将‘突破’好似有某种紧箍咒去箍住自己，其实演戏唔系一种突破，系一种演出。我唔知某时突然松绑，冇咗呢种对自己的枷锁，演戏觉得松容，都好赏心悦目，整个过程唔系好有压力，同埋自己睇完剧本之后都好有信心去驾驭呢个角色，我谂本身呢个角色就已经跳出咗我个框框，呢个相当重要，首先呢个角色已经畀咗好大空间我去做出一个演出上面的改变。”

Sammi坦然接受容貌随年纪变化　“如果只关注自己外貌，真系唔系再演”

近年来，“中年女演员戏路”的话题不断涌现，不乏超过40岁的女星依然会扮演10几岁的角色，令观众觉得非常违和，此外亦有年轻演员非常注重荧幕形象，时刻保持“漂亮”，对于年纪与容貌的变化，Sammi坦然面对：“我觉得某程度上演戏系对自己一种情绪的诚实，你敞开自己，大画面上面你点样去呈现自己情绪，角色的情绪，或者将你过往人生的经历可以慢慢融入电影细节里面，甚至我觉得作为一个女演员，你必须要面对你年纪的增长，你的外貌会变化，你冇可能去返20几岁，每一个镜头都画到紧致，我谂女演员你更加要好诚实咁面对一个大银幕的自己，你随着年龄𠮶种变化，但系你必须要用另一角度睇自己其实呢种历练，或者呢种外貌的改变，正正就系你未来已经系一个好重要的养分，而冇畀呢样嘢觉得成为自己阻碍，或者冇咁滑溜。”她强调：“如果有一丝呢啲谂法，你每次望镜头，只系睇到自己外貌，而唔系睇到你里面的话，真系冇再演。咁我觉得喺呢部戏，我有一个好大的改变，因为我要演到50几岁，个妆亦都几乎淡到唔化，咁你系咩（样）喺𠮶个大荧幕就系咁呈现出来，呢部戏畀我好大的体会，原来我系可以咁诚实面对自己。”

被女主角骨瘦如柴身形吓一跳　为角色减磅暴瘦：底裤都甩埋

在访问中途休息时，Sammi突然笑指有个小秘密一阵要告知导演，性格随和活泼，甚是得意。她坦言：“记得开拍之前，同导演商量紧呢个角色想佢的外貌、成个人的肢体感觉系点，当时导演就畀咗其中另外一部电影（我睇），佢话我觉得似呢个女主角。我睇一睇，有小小吓一跳，因为个女主角瘦到比我仲瘦！但我明点解导演想𠮶个女主角咁瘦，瘦到好似一条柴的状态。因为当时我睇完之后返去，第一就系谂，我点样令到自己仲瘦过平时。”最后，Sammi成功瘦到导演要求的状态，与平时的形体有所差别：“好瘦啊当时！”现在讲起她似乎仍心有余悸：“瘦到助手都话底裤都甩埋咁滞！真系好瘦好瘦，一日比一日瘦！咁当然要食嘅嘢个量好少，总之要尽量比自己务求好瘦，同埋希望到50几岁的时候，𠮶个状态啲嘢又会凹呀，会下垂啲，个人会再瘦啲，咁我尽量睇住剧本同时间，校啱，希望自己（在戏中）去到50几岁的时候可以去到最沧桑𠮶种状态，都真系瘦咗好多磅。”

至于详细减磅过程，Sammi没有再分享，看似她如今轻描淡写笑谈当时的状态，但不难想到她在背后的艰难付出，正如她最后所讲：“其实好艰难，因为我本身都系瘦啦嘛。”