风再起时专访｜周文健国内知名度靠周星驰 经典打茄轮：冇剧本㗎
香港史诗式电影《风再起时》经已上映。电影由翁子光执导，以五、六十年代叱咤风云的“四大探长”为题材，由郭富城、梁朝伟、谭耀文、周文健分别饰演“四大探长”，其中，翁子光邀得淡出香港电影多年的周文健饰演“肥B”一角，原型人物为探长韩森。周文健早前接受《香港01》专访，大谈自己久休复出的原因，谈及观众对他演出的期待，亦重提周文健九十年代的代表作品。
《逃学威龙》打茄轮
周文健最广为观众熟悉的“竹升”角色，必然是陈嘉上执导、周星驰主演的喜剧《逃学威龙2》里，同样卧底于国际学校中的政治部警员。周文健在访问中表示角色至今对他影响非常深远：“我宜家喺国内，多数人识得我都系因为《逃学威龙》。”他续指：“啲人真系好钟意睇星仔啲戏，不断翻睇。咁你翻睇都唔系每次都睇同一个人，间唔中会望下隔篱𠮶一个，咁你翻睇到100次，开始就认识其他嘅角色。”
《逃学威龙2》里，周文健与周星驰的角色关系起初针锋相对，而二人令观众最深印象的对手戏，莫过于在更衣室里“打茄轮”的桥段。周文健回忆当时拍摄时笑指：“你知拍佢（周星驰）啲戏系冇剧本㗎嘛！当时中文唔系几好，就问可唔可以早啲畀剧本我，练一个钟头。咁当时我见到佢同陈嘉上导演坐埋一边，吱吱吟又偶然望一望我，星仔就谂咗呢个打茄轮（嘅桥段），系借位扮打茄轮，唔系真系打茄轮嘅！”
周文健当时得知桥段发展后，亦大胆提出建议：“我系畀咗少少提议，好好笑，我哋当然系准备打交、有少少摔角嘅感觉，但系意识畀观众就好似打紧茄轮咁样嘅。我就提咗一样嘢，当转到镜头前时，我（伸手）摷下你个头，佢（星仔）就话好！”但亦因此而NG重拍了数次。
代表作《孟波》
周文健在《逃学威龙2》后，另一个令观众印象极为深刻的角色，便是担正饰演主角的《孟波》。周文健表示许多人不知道他其实曾经两次饰演孟波一角：“其实我喺TVB有做过孟波呢一个角色，著𠮶套衫、呢个Image（形象）出嚟，系无线揾我去做先嘅。”当时观众的反应极好，纷纷表示周文健与《城市猎人》漫画中的孟波非常相似。周文健回忆当时拍《孟波》的策略：“如果周文健去做主角，冇乜人会买飞去睇周文健做主角嘅一部戏；但系如果佢做一个受欢迎嘅人物，啲人会想去睇𠮶个人物，而唔介意周文健去做𠮶一个角色。”周文健以米高基顿（Michael Keaton）饰演的《蝙蝠侠》（Batman）为例，解释观众买戏票入场是为了蝙蝠侠，而非米高基顿的相同槪念。
在周文健主演1996年的电影《孟波》前，动作巨星成龙主演的《城市猎人》，早于1993年上映，周文健表示成龙的演出并不会盖过或影响他的发挥：“每个演员做一个人物出嚟都唔同嘅，咁多演员去扮一个出名嘅人物，每个人都有佢嘅approach（途径）、有佢嘅睇法、演绎方式去表达。”反之，周文健认为自己饰演孟波具有一定合适之处：“因为成龙大哥嘅名气系大过孟波，佢咁大嘅名气去演一个冇咁大名气嘅角色，系会有少少影响，有啲人会觉得都系成龙大哥啫！但系我唔系，我嘅名气一定冇孟波咁大，咁我去演佢嘅时候，啲人嘅反应就会系‘都几似孟波㖞！’咁咪好啲啰，咪有呢个分别啰！”