灯火阑珊｜张艾嘉指演好戏为本份　勉励周汉宁︰最紧要观众记得你

香港“首部剧情电影计划”第五届专业组得奖作品《灯火阑珊》，由女导演曾宪宁首次执导，张艾嘉、任达华、周汉宁与蔡思韵主演，将于4月13日上映。今日（18日）《灯火阑珊》监制陈心遥、导演曾宪宁与演员张艾嘉、周汉宁，到访深水埗南昌押，在两块即将强制清拆的霓虹灯招牌前留影，并缅怀拍摄电影期间的点滴。

张艾嘉与周汉宁早前于“第41届香港电影金像奖”分别入围“最佳女主角”及“最佳新演员”奖，在活动上接受访问时，张艾嘉再度分享入围感想，“我觉得我哋做演员，犹其我已经做咗五十几年，其实将戏演好系我嘅本份嚟。所以自己得唔得奖，其实系有运气（成分）。”张艾嘉亦借机会祝福其他与她一同入围的女演员：“希望我哋都得奖！”

周汉宁亦同时入围金像奖，被问及有否分享一些提名的心得，张艾嘉笑指：“我冇㖞！”周汉宁亦借机会请张姐指点，张艾嘉便表示：“其实我都有同佢讲，我哋有啲朋友睇完优先场出嚟，都问‘𠮶个男仔系边个嚟㗎？佢做得好好㖞！’我觉得呢种赞美系最紧要嘅，系观众记唔记得你。可能会令你返屋企喊‘佢哋有睇到我啊！’呢个就已经系一个奖嚟。”

而周汉宁则表示：“套戏已经拍咗出嚟，好似我哋而家做啲咩、谂啲咩都唔会改变个结果，所以我系几平常心嘅。当然有我会开心啦，但系其实大家都做得好好，每一个入围嘅演员我都好钟意。”今届“最佳新演员”入围者包围偶像团体MIRROR成员Edan吕爵安，周汉宁表示没有压力：“都拍咗啦，宜家又唔可以令到自己再好啲，所以就交畀大家去判断啦！”