天龙八部｜王君馨首次同丹爷合作即厚住面皮请教：问佢我打成点
撰文： 吴子生
出版：更新：
王君馨（Grace）昨晚（16/1）现身湾仔会展出席电影《天龙八部之乔峰传》慈善首映礼。Grace透露今次在电影中的角色只演文戏，却没有动作场口大感可惜：“我本来谂丹爷（甄子丹）揾我去拍呢套《天龙八部》一定会有得打，点知我系唯一一个系冇得打，成套电影我只系演文戏嘅，咁但系谂返转头我都系开心嘅，因为有啲人会揾我拍打戏，亦有啲人揾我演文戏，咁我即系文武双全啦。”
被问到有否主动要求丹爷安排打戏戏份？Grace笑言：“其实我系有好厚面皮咁俾我之前打嘅片佢睇，然之后请教佢，问佢我打成点？佢就话我打得唔错，然之后即场示范加几招打俾我睇，出到嚟嘅效果令到我目定口呆，佢直头系塞钱入我袋，咁所以好期待下次可以同丹爷合作拍打戏。”