超神经械劫案下・专访｜魏浚笙拍戏骚肌遇劲敌︰觉得自己好渺小

洪嘉豪（Kaho）、魏浚笙（Jeffrey）及杨天宇（Angus）首次于贺岁片《超神经械劫案下》合作，虽然三人过往的工作领域各有不同，但或者因为都系“Kai”底，所以一拍即合。洪嘉豪近年获“院长”称号，他笑言导演找他饰演保安啫喱一角，相信都系见到他近年澈底将自己的形象崩坏，而他亦毫不介意为艺术而牺牲（除裤）：“我系直接畀人睇到最差一面，等人哋接受之后，做所有嘢只会更好。不过其实我唔知要除裤，系去到片场先知，当日又冇同事跟，我又唔知同边个讲，焗做，真系冇办法，如果唔除套戏就无㗎啦。”有幸目睹Kaho第一次脱嘅Angus回想当日的埸面：“我系对正佢小腿啲脚毛位，阿正见到系直情留晒口水，唔知系角色需要定本身系咁。”

Jeffrey近年密密操肌肉，去年在剧集《I SWIM》放题式骚肌令不少观众心心眼，但今次他遇上有“肌肉男神”之称嘅杨天宇，都话要企埋一边：“我呢啲系业余，见完呢啲世界级，就知自己有几渺小，佢真系完美。”杨天宇接著说: 一开始见到导演时，佢问我可唔可以操到《变形侠医》咁大只，我话要打针先得，只能够尽操，因为平时我少做带氧运动，后来上网参考好多方法，又真系成功减到脂。”杨天宇其实在戏中虽然只系一位村民，但他的戏服却能尽情骚肌。

谈及戏中另一位男主角张敬轩，虽然对方已是前辈级，但Jeffrey就话二人有兄弟的感觉，杨天宇同洪嘉豪闻言后即指他应该是娱圈中唯一一位够胆“串”轩公的后辈，Jeffrey反驳：“佢真系好好，虽然我身为反辈要尊重前辈，但佢唔同，系有种bro嘅感觉，同佢开玩笑可以开到好大，佢都应该感恩有呢班人陪佢，同埋朋友就系咁互动，如果一两句就嬲都唔系friend啦。”洪嘉豪与轩公相识多年，由歌坛到影坛，呢位前辈一样系值得被尊重：“佢系一个人照顾晒所有人，同埋佢好著重故事，有啲细节位佢都捉得好紧。有啲地方可能我哋已经觉得唔错，但佢会觉得可以更好，同埋今次我系深深体会做歌手冇演员咁辛苦，长时间工作加上可能会受伤，虽然系咁辛苦，但完全冇听到讲过一句，真系好专业。”杨天宇透露有日他不慎触及旧患，轩公了解过后，半小时后向他送上活络油及止痛丸，亦有演员拍摄时把声沙晒，但轩公依然可在深山中变出清音丸，令他十分佩服这位前辈的细心。

Venue: PHENOMENON WINE·DINE

Hair: holam Chong（Jeffrey）、Haysses Ip @ HAiR（Kaho）、Leonardo 3 Hair Corner@Ritz Lam（Angus）

Make up: Amy Lee（Jeffrey）、Circle Chong （Kaho）、Atelier G Limited@Gabbie（Angus）

Outfit : @Berluti（Angus）、Harvey Nichols @harveynicholsmen #HarveyNichols #HNOnline @truereligion（Kaho）

Photo：叶志明