阿妈有咗第二个｜彭秀慧出席捷克杜拜影展　观众对茶餐厅感熟悉

电影《阿妈有咗第二个》，早前到捷克布拉格及杜拜出席当地举行的亚洲电影节（Filmasia）。导演彭秀慧（Kearen）便亲身去到当地出席，她坦言每次将电影带去外国，都会十分好奇外国观众的反应。

今次旅程，首站是布拉格，Kearen表示当地观众跟香港类似，“啲笑位佢哋都会笑嘅时候，你就会觉得好开心。最特别系有两个观众由维也纳飞过嚟，因为知道呢边有个电影节，同埋佢哋真系好恨睇港产片，亦都好想睇《阿妈》，所以佢哋更加会过嚟睇。”

至于杜拜，则出乎她意料地出现很多香港观众，反应比香港观众更热情，“因为系第一次有港产片喺喺杜拜戏院入面放映，所以好多都系特登嚟支持，佢哋反应好激烈，甚至比起香港观众更加热情。”最令她印象深刻是于当地居住多年的香港人的激动，“佢哋能够觉得喺杜拜嘅戏院入面，同杜拜当地嘅观众一齐分享一部嚟自佢哋屋企嘅作品嘅时候，佢哋系好Proud同好开心。”

亦有观众跟她说，于电影中看到香港的地方十分挂念，“例如有观众讲：‘哗！我见番茶餐厅，真系好熟悉，好想即刻返去香港。’我觉得呢样系电影好独有嘅嘢，尤其是即将会消失嘅地方或者文化嘅时候，如果我可以用电影保留住，通过电影带俾唔同国家嘅朋友，我觉得系影展最有意思嘅地方。”

听罢观众的提问及感受，彭秀慧亦十分触动，“觉得好似无论去到世界各地边一度都好，都有香港人嘅存在，我哋每一个香港人都好想、好努力咁样将香港嘅文化，例如一套电影，当中无论香港嘅地方、艺人，可以推广俾其他国家嘅人，我谂呢样嘢对我嚟讲真系好深刻。”

除此之外，彭秀慧亦于布拉格接受电台访问，“我觉得个安排好好，因为我唔熟悉布拉格呢个地方好多嘢，所以当DJ同我倾偈嘅时候，就好似佢个地方同我个地方沟通紧，能够可以喺一个再mass啲嘅channel去讲吓，无论系我套电影、甚至系我自己，其实系好宝贵好宝贵嘅经验。”她又谓影展对她来说最高兴是可以见证文化交流，同时亦趁着这个机会“睇吓世界”，“好似有种鼓励：‘你快啲拍多啲电影啦，再去多啲唔同地方，再睇多啲世界。’同埋希望有机会我可以去外地拍摄。”