缘路山旮旯｜岑珈其被影评KOL轰样衰剧 曾丽芬：可以反宣传
撰文： 吴子生
出版：更新：
由岑珈其（爷爷）主演的电影《缘路山旮旯》日前日正式上映，电影中剧情讲述岑珈其与5位女生的“缘分故事”。不过近日就有影评专页KOL在网上力数岑珈其不是，直斥他的毒男样追女的剧情离地︰“想坐时光机欺凌佢，欺凌到佢大个唔敢做演员。”而岑珈其也在帖文大方留言回应︰“样衰我改唔到，我会努力再做好啲演出。”
有份投资电影《缘路山旮旯》的高先电影公司董事总经理曾丽芬（Winnie）今日（8/8）现身将军澳出席《邵氏创意中心开幕典礼》时就上述事件接受《香港01》访问说：“其实批评系有佢嘅自由嘅，而呢套戏唔系讲佢系一个靓仔，故事系讲一个平凡唔靓仔嘅男仔，可以去识到咁靓嘅女仔。始终大家都知电影都系梦工场，可以喺电影入面发梦都唔错吖。其实有人批评，我觉得几好可以反宣传，令到大家好奇会入戏院睇吓佢系咪真系唔靓啰。但我就觉得佢系几适合呢个角色。”
+1
电影导演黄修平被问到选男女主角是否外貌行先？黄导演笑言：“其实我睇靓仔靓女有啲偏见，我谂系我嘅题材可能比较踏实，变咗有时我就会谂，我使乜揾啲人咁靓。就算系靓，佢都要喺镜头前能够呈现出生活化嘅一面。咁所以我对于靓仔靓女就冇乜特别嘅介怀，有时喺我选角嘅时候，好多男女演员就系因为太靓，所以落选。而喺我角度演出嘅表现方法先系重要。”