Tiger@MIRROR自嘲“下弦”冇乜人识　“今日系嚟寻找工作机会嘅”

第16届鲜浪潮国际短片节早前行颁奖典礼，MIRROR成员之一邱傲然（Tiger）出席典礼并担任最佳摄影环节的颁奖嘉宾。在颁发奖项前，Tiger获邀致辞，一来竟然语出惊人，大谈MIRROR组合内的上下弦定义。

Tiger在致辞时提到：“近排好多人揾Mirror拍戏，咁梗系好啦！但系佢哋好多时候揾Mirror呢，都系揾姜涛、Edan（吕爵安）、Anson Lo（卢瀚霆）、阿Jer（柳应廷）、AK（江𤇹生），都有揾下Lokman（杨乐文），但系佢哋大多数揾𠮶啲都系“上弦”嘅人。”

而Tiger亦随即称作为MIRROR的下弦成员：“Mirror有12个人啦，多啲人识𠮶6个叫上弦，冇乜人识𠮶6个就叫下弦，咁佢哋其实好少揾下弦嘅人拍戏嘅，例如Tiger啦，Alton、Frankie咁样。有见及此，我今日系嚟寻找工作机会嘅。大家好，我系Mirror下弦嘅Tiger！”Tiger在自嘲的同时，亦积极大方地希望大众更关注MIRROR知名度较少的成员，希望能够争取更多演出及证明自己的机会。

Tiger亦补充指，其实MIRROR下弦成员亦有实力，只是尚欠表现自己的机会：“可能佢哋会觉得呢班人唔得、无作品点会得呢？我无作品就无人睇，无人睇就无人气、无人气就无人知！咁我就谂：无作品睇到，即系无人睇到，咁你又点知我哋唔得呢？”他亦指与他年纪相约的年轻人亦面对同样问题，初入职场可能不被老板看好：“点解唔得呢？究竟系唔得、定系未得呢？唯有尽力试下啰！”勉励同辈一同发奋努力、证明自己。

出席鲜浪潮的颁奖典礼，Tiger自言是早一两天才收到邀请，知道需要致辞，亦非常用心准备：“我要讲嘢㖞！想畀大家知道，我系sell唔讲嘢嘅，但系机会来到就尽力试下。我入行几年，学咗一样嘢，就系无机会嘅时候就努力啲、有机会嘅时候就尽力啲。咁既然今日有机会，咁我就要尽力啲！ViuTV将会推出套剧集《死角》，围绕拳击运动，里面有个长头发嘅男仔，就系我！我相信大家会睇到嘅，十月会播出，咁睇完之后，大家再决定我哋得唔得都唔迟。”

Tiger在入行前，从浸会大学电影学院高阶文凭课程毕业，被问及如果有机会演出鲜浪潮的作品时，对甚么角色感到兴趣，他谦虚地表示：“如果有鲜浪潮电影揾我参演，首先非常开心，基于我真系新人，所以咩角色我都非常接受。可能多啲冲突嘅角色，可能一个有心理病嘅心理医生，咁应该几好玩。”

Tiger的鲜浪潮颁奖致辞片段曝光后，不仅获网民大赞，连MIRROR经理人花姐亦在社交媒体上大赞并转载片段。