G风暴｜黄宗泽再合作郑嘉颖是回忆杀　直言古天乐拍戏极严谨

风暴系列最终章《G风暴》由古天乐、张智霖、郑嘉颖、宣萱、黄宗泽、谢天华今日（22/12）举行首映礼，在戏中饰演两兄弟的郑嘉颖和黄宗泽接受传媒访问时表示：“简直系回忆杀！”

郑嘉颖和黄宗泽曾多次合作，黄宗泽先讲到：“简直系回忆杀！”不过郑嘉颖则表示：“其实合作同以前喺公司拍差唔多，大家都好有默契，对一对就埋位。”

黄宗泽补充：“成部戏都系同佢最多对手戏，嘉颖系ICAC，我就系公务员，不过过程中就俾佢发现到啲衰嘢咁啰。”郑嘉颖搞笑回应：“你话亲情紧要定点吖？打烂我个金漆招牌呀！”

及后问到今次好多打戏，过程中有冇受伤时，两人回应其实都是受旧患困扰，而且受伤的都是左脚。预告片中可见两人有幕天桥跳楼戏，黄宗泽：“跳天桥个场系好麻烦，跑足成日，又要跑楼梯，跑上跑落。不过今次有古生（古天乐）喺度就最刺激，佢捉得好细，就好似天桥上一幕感情戏，佢同我讲只手咁样摆好啲，即系佢连我只手都睇到，睇得好仔细。”

最后问到郑嘉颖入围视帝最后5强，他则笑言：“希望有新气象，（系咪同马明争？）马明攞过啦，希望俾啲未攞过嘅人，呀Sean啰，其实如果Bosco有份我一定讲佢啦，（黄宗泽：我都唔喺到）出年啰！（黄宗泽：未必啦）”