全民造星IV｜鲁庭晖借《千年女优》讲追梦　“有目标去追好幸福”

ViuTV董事兼总经理鲁庭晖今早（7/12）在个IG分享有关“日本动画教父”今敏导演的作品，1997年的《蓝色恐惧》（Perfect Blue）以及2001年的《千年女优》。

鲁庭晖先讲到︰“第一套《perfect blue》。拿（嗱），有啲戏系咁嘅，你睇完，果（𠮶）种震撼系你连讨论佢嘅时候都觉得心虚，因为你发现任何文字都讲唔中佢俾你嘅感觉。所以都系收声好啲。”

反而讲起另外一套《千年女优》时，他就有更多更深的表示，他：“佢系讲紧一个从影几十年嘅女星，‘回顾’佢嘅一生。点解会用“”引住回顾呢，因为唔系真系回顾嘅。真实、虚幻、电影、生活几样嘢捞埋一齐。你千祈唔好谂住去明套戏每个位嘅逻辑，逻辑其实可能唔通㗎㖞，不过个flow又异常流畅。总之我睇完，我写低咗两句，‘1：真实和假象之间，有种东西叫记忆。’、‘2：如果有日就嚟死（touchwood先），又如果仲有意识，我希望谂起电影最尾果一幕。’”

再者鲁庭晖讲到戏中两句经常出现的对白，“我绝对会去和他见面”和“见一面就好”，因为女主角整套戏只在追逐一个男人，但鲁庭晖觉得这并不是套戏爱情故事，事关戏中的女主角曾讲到：“我喜欢追逐着他的自己。”所以鲁庭晖觉得“男人”只是个symbol，可以是其他东西，甚至是梦想，总之人一生可以有目标想去追寻都很幸福。

讲了这么多有关“追梦”的前题，其实鲁庭晖都是想讲最近正在热播的《全民造星IV》选女团，他：“睇完啲咁有型嘅电影，我梗（紧）系扮晒嘢咁介绍俾啲同事啦，尤其筹备紧女团𠮶几个，因为somehow 硬系觉得有d linkage。我同佢讲完，佢哋当然如常咁无反应，然之后send番几廿样嘢俾我，叫我approve。佢哋个隐藏回应其实系：顶我哋好多正经嘢做㗎，边有时间睇戏。哦。”咁又的确好多事要筹备嘅，据旁白君讲，集集都差啲剪唔切，赶头赶命，不过最紧要都系“鲁板”明就得啦。