金马奖2021｜柯炜林入行5年获提名最佳男配角 “暗暗地希望有”
香港演员柯炜林在港产片《浊水漂流》中饰演寡言的露宿者“木仔”，戏中他跟影帝吴镇宇有较多的对手戏，今次入围第58届金马奖最佳男配角，对于首次角逐金马奖项，他早前接受《香港01》访问时都表示：“唔够胆期望太多，但又暗暗地希望有，其实知道个时系好兴奋同眼湿湿，喺条街到好开心咁弹下弹下。”希望这位实力演员今次有结果！
摄影：梁碧玲
对于“木仔”一角，柯炜林表示：“佢自己选择做露宿者呢一条路，其实佢不嬲都有选择，只系要去想像自己点样去生活同生存。而演绎前首先要减磅兼减足9公斤，（特登铲头？）其实系我提议美术指导‘不如我哋铲咗个头’因为个阵啲头发唔长唔短，如果驳发又唔太啱我，不如就剃咗佢，跟住个感觉都好啱吖。”
吴镇宇如何帮助你?
有跟吴镇宇合作过都知，他会提供好大自由度予对手去发挥，再接戏让对方继续演绎，从而产生不同的火花，对此柯炜林回应：“佢好容许大家有唔同嘅表演模式，我哋只系围读咗一次，但真拍时成个氛围都唔同，佢会用自己嘅方法去创造一个舒适嘅空间俾大家去演绎。”
再讲到导演和Ceci早前受访有讲过片场中柯炜林跟镇宇已是最熟，他笑着回应：“其实我有啲百厌，个阵喺吊臂上面唔记得问佢拎啲咩，因为我唔觉得佢俾人有生人勿近嘅感觉，佢系片场系好投入角色，我就好钟意喺片场行嚟行去，同人吹下水咁，对于我嚟讲我必须要熟识当下个环境、人同所有嘢，我先可以好舒服咁喺镜头前做戏，如果唔系我就会觉得所有人都会做唔好嘅目光望住我，睇我几时出丑咁，虽然唔系嘅，系我自己咁样谂姐。”
会否觉得《浊水漂流》是代表作？
谦虚的柯炜林称：“目前阶段唔够胆讲自己有代表作，我好喜欢呢个角色同套戏，系我平时喜欢睇戏嘅类型，比较贴近、写实又有种诗意嘅存在。有趣之处在于观众会留意到我其他作品，例如MV、客串剧集，都有人因《浊水漂流》先发现原来系我嚟，当中嘅流动性同多样性的确有趣。”
何时觉得开始有人认识自己？
事实上柯炜林涉猎MV、电视剧以电影界，作品未算好多，但算得上有人赏识，问及他那一段时间起followers有上升，开始多人熟识时，他讲到：“每个阶段都有，不过最多𠮶时系拍Dear Jane的《银河修理员》同《二月廿九》，两套作品差唔多时间推出。不过《浊水漂流》时，反而多咗唔同嘅电影评论，有一种好似确立咗我系个演员咁，因为我本身拍嘅电影唔算太多，但演出嘅作品都横跨咗唔同界别，多人认识都开心。”
柯炜林：每次拍喊戏都会惊
柯炜林拍过不少MV，问及他MV比起电影篇幅短，会否更难时，他回应今年上半年拍了卫兰的《It's OK To Be Sad》、Serrini的短剧、谢安琪的《离不开》等等，都有谂过上半年都是要喊，反而会去思考如何喊得不同，即使喊都会有许多不同的情绪或原因，就需要去寻找，而MV只是一首歌的时间，篇幅及剧情上都未必会如此长，更不是每个MV都可以有剧场版。
当问到喊戏对柯炜林来说难不难时，他直言：“惊㗎，每次都惊。我记得我拍《It's OK To Be Sad》前一、两晚我打畀朱康，因为佢系我其中一个好愿意同放心将我嘅问题去同佢讲嘅人，佢都会提供好多唔同方法、想像俾我，变到我可以有条路去行下、去揾下。”
半夜的柯炜林会做甚么？
因为不时看到柯炜林的IG，都会发现他半夜睡不着就会在IG上跟Fans聊天，讲起该话题时，起初柯炜林一面正经回应：“冇，冇呢样嘢，冇，假㗎，唔系我嚟㗎。”不过后来他又笑笑口再回应：“有时我瞓唔着就会谂又有边个瞓唔着，咁我啲朋友又瞓晒喇嘛，就问下大家啰。同埋香港有好多失眠嘅人、温书、返工、准备起身返工都好，作为一个小小陪伴啰。加上我讲到明唔留底，我瞓前就会del晒佢㗎，第二朝系冇人见过个种，只系属于夜鬼嘅时候，都有啲恶作剧嘅心理嘅‘系唔俾你睇呀，咁早瞓吖嗱！’咁样啰。”戏外的柯炜林相当有可爱的一面，更是位十分值得大家留意的演员！
Credit：
Makeup: German Cheung
Hair: Oscar Ngan @ii ALCHEMY hair
Wardrobe: Levi’s
Shoes: Converse