假冒女团专访｜Anson Lo装胸扮女仔震撼苏皓儿：唔想大家视觉难受
MIRROR成员Anson Lo（卢瀚霆）在港版《大叔的爱》中献出荧幕初吻，冲击无数观众的眼球；新戏《假冒女团》上映在即，Anson Lo於戏中饰演特务，为查案反串扮女仔，浓妆、假发、假胸、高踭鞋样样齐，连身为女儿身嘅陈紫宣都自愧不如，拍摄时多次想咸猪手对方。
电影初哥顾虑多
初次接触电影，Anson Lo坦言收到《假冒》的剧本后，兴奋的同时也因为角色的造型而一度却步，他说：“因为有好多位要我扮女仔，会谂到底要去到几尽，因为我就咁睇都唔系一个女仔，所以造型方面要斟酌。如果要骚好多腿的话，咁我本身有脚毛，又要谂到底剃唔剃，我都唔想大家视觉上难受。”
为了做到“睇落最似得嚟又唔呕心”，Anson Lo在试妆时先由浓妆开始，再加埋假发，结果确实惊喜了会议室的一众工作人员：“我都有即时send相比屋企人睇，而佢哋系接受唔到，哈哈！但睇惯咗就ok。”新戏拍档苏皓儿（Chole）对于Anson Lo嘅女仔造型，直接以“震撼我视线”作形容，仲话自己好唔专业咁笑场，至于陈紫萱，情况亦差不多，她说:“其实佢搽返个咀已经好靓女，佢装胸作势时我都会忍唔住想摸，同埋有时睇住佢，我自己作为女仔都觉得普通咗啲。”
撇甩队友感不安
Anson Lo在戏中又要扮女人又要打，前者可以靠化妆补救，后者只能将勤补拙。“平时睇人打戏好潇洒自如，但原来每一个动作都排过度过，要跟埋机位就更加冇得马虎，自己都花咗好多时间，亦都辛苦晒武术团队教我呢位初哥。”为怕出错而给拍摄团队制造麻烦，再加上今次没有MIRROR成员在旁，令 Anson Lo每次埋位都十分紧张。“尤其是Chole系女团前辈，我都有问佢好多女团日子系点过。”Chole闻言后即谦虚表示没什么经验可以分享，毕竟MIRROR的成绩有目共睹，她说：“因为我同陈苇璇有对手戏，都谂起以前As One以前跳舞甩晒时，佢会放弃休息时间教我，同埋就算而家大家独立发展，佢都好照顾我。”
感恩获大众关注
首次做男主角，Anson Lo认为观众肯入场已经是对他的支持，票房部分暂时没有考虑太多。“反而会谂下次想试一啲同自己性格唔系好似嘅角色，即系粗鲁、反派、精神层面再暗黑啲，自己始终演戏经验唔多，好多嘢都想试、想学。”谈到今年的事业发展，打从MIRROR演唱会，到7月生日连串的应援，加上《大叔的爱》，令Anson Lo人气爆灯，并成功创下了连踩69小时的工作纪录。“今年系一年好需要感恩嘅一年，大家对Anson Lo关注度多咗好多，但都要对身边团队讲句辛苦晒，因为我带咗好多麻烦比身边嘅人，大家照顾我多咗。喺我唔够瞓嘅同时，化妆、发型师、造型师都一样唔够瞓，但开心嘅系大家可以一齐经历呢样嘢。”
同为影坛新人的陈紫萱，先后与影帝林家栋、古天乐、任达华合作，继面与人气王Anson Lo交手，看似已赢在起跑线。“我觉得同咁多人合作，所学到嘅嘢系珍贵过所谓嘅起跑线。有起跑线虽然系好，但你之后点去跑、跑边个方向都好重要。其实Anson、Heidi（李静仪）、Alina (李炘颐)都好努力，所以我觉得唔好著眼于起跑线，而系要努力。”
服装：Stella McCartney（卢瀚霆）、Pennyblack（陈紫萱）
造型：PIPA Creative（卢瀚霆）、May Lui（陈紫萱）
化妆：Rainbow Chung @ Annie Gz Chan makeup centre（卢瀚霆）、monchun_mua（陈紫萱）、Deep Choi（苏皓儿）
发型： Denny Ku @ CHIC private i（卢瀚霆）、@man kit Law（陈紫萱）、Al Leung（苏皓儿）
摄影：叶志明