麦浚龙否认严重超支致《风林火山》迟迟未上映：唔知啲传闻边度嚟

麦浚龙（Juno）今日（21日）以全黑造型现身服装品牌活动，型格十足。Juno接受访问时透露曾与日本“街头风潮流教父”藤原浩有段渊源：“喺日本东京电影节佢有嚟睇《僵尸》首映，𠮶次都奇妙，原来日本对‘僵尸’电影嘅热情好强，会攞晒啲1983年嘅原装Poster 嚟签名，𠮶年仲要系好冻，我仲冻病咗。”

对于Tyson Yoshi直指自己太怕丑未敢上前与Juno打招呼，Juno笑言：“多谢多谢。（会唔会都想同啲后生仔合作？）当然想啦，其实自己之前都物色紧新嘅歌手，啱啱都签咗王嘉仪，都会留意紧唔同类型嘅歌手。（会陆陆续续签啲新人返嚟，定会签好朋友返嚟？）反而不嬲都冇话要签啲‘好朋友’返嚟，反而系𠮶个人有佢啲特质，有年资还是无年资都有佢独特嘅地方。”

风林火山｜麦浚龙揾演员拍很辛苦　由30度拍到负30度过程超新奇

至于被追问《风林火山》何时上映，Juno称：“喺导演嘅工作已经差唔多完成，后期仲有啲，但就要交返畀投资方同发行方决定。（之前有报道话严重超资，会唔会有影响？）拍完好耐，其实真正拍摄系2016拍到2017，所以我都唔知啲传闻边度嚟。至于正式上映嘅档期，反而我就唔系咁清楚，要交返畀发行商。”由于《风林火山》演容阵容强大，包括梁家辉、金城武、刘青云、古天乐和高圆圆等，问到怕不怕难以夹日子配合宣传时，Juno称：“其实我哋一路都有联络嘅，反而我觉得太耐都唔系一个问题，演员都明。”Juno更透露刚完成一个新嘅剧本，目前正筹备前期的工作，将主力在香港取景。