《龙虎武师》8号风球下举行首映　监制钱嘉乐感恩刘德华亲笔题字

纪录片《龙虎武师》讲述昔日龙虎武师，如洪金宝、元华、钱嘉乐、元武及熊欣欣等拍摄动作片的辛酸及危险性。今日（12/10）《龙虎武师》在“圆规”8号台风下举行首映，监制钱嘉乐表示：“香港最近（台）风接（台）风，呢两日都担心首映礼，自己都好明白，不过见到咁多朋友嚟撑场都好开心。”

钱嘉乐接受《香港01》访问时先表示：“筹备过程的确有难度，前后差唔多用咗4年，2017年开始，当初呢套系部商业剧情片，但后来同魏君子先生闲谈当中，觉得佢真系好熟香港动作电影嘅历史，就问佢有冇兴趣拍纪录片，因为佢又熟又钟意呢个行业，而我又好想拍一部戏可以保留返我哋嘅文化。（难处会系边方面？）要叫啲大哥埋位，今次开心就系最齐人一定系今次，你讲得出嘅都有。”

钱嘉乐表示这一行去到荷里活都极具影响力、实力及尊重，是我们整行团结的力量，所以觉得自己有一份责任将这班无名英雄呈现在广大观众面前。而且钱嘉乐非常感恩大家都一呼百应：“尤其是刘德华先生，因为我们经过好长时间才决定用《龙虎武师》呢个名，觉得咁先最可以代表到呢群人，系属于我哋嘅，决定后就好想用毛笔字写出嚟，第一时间就谂起刘德华先生，能够同我哋武师咁熟，拍咗咁多动作电影，手毛笔字又靓真系只系得佢。”

当时钱嘉乐即时WhatsApp刘德华，钱嘉乐表示感到惭愧：“佢亲自打返俾我‘点呀？咁有意义嘅嘢，紧系好啦！你赶唔赶？唔赶呀嘛？你俾几日我啦。’一星期内已经写好俾我，真系好多谢你刘德华。”

及后钱嘉乐都有讲到现时行业都有新人加入：“其实我几年前有搞训练班，当时都有十几个年青人入行，但系我觉得现时最主要等佢哋有多啲工开先，就好似啲大哥由细练武功，又喺片场长大，又识打又识拍戏先出到呢班精英，80年代正正是有成龙、洪金宝、袁和平、刘家良同程小东，全部都会互相合作，又有独当一面嘅风格。希望后辈可以快啲有工开，摸索到自己的风格，互相刺激将呢行继续传承下去。”