阿妈有咗第二个｜姜涛Jer现场偷扮毛舜筠　彭秀慧：佢哋系3角关系

由彭秀慧（KP）执导，毛舜筠、MIRROR成员姜涛、柳应廷（Jer）主演，岑珈其和小薯茄丽英有份演出的《阿妈有咗第二个》，今日（18/9）进行开镜仪式。

剧组现时正忙于拍摄，彭秀慧，毛舜筠、姜涛以及Jer柳应廷均有接受传媒访问，有问到开工几日辛唔辛苦时，姜涛和Jer都即时回应唔辛苦，Jer：“剧组、现场环境都好轻松、好有爱，导演同毛姐喺演戏上非常有经验，佢哋好乐意好nice地教我哋好多嘢，的确学到好多嘢，唔系好紧张同大压力。”姜涛及后补：“相比以前，呢段时间令我自己好集中去做一件事，对我嚟讲唔系以前个种辛苦，而系平静地去拍好多嘢，反而轻松咗。”

而问到导演彭秀慧有冇副导一下姜涛时，姜涛即时回应：“有，佢用自己的正能量感染晒我哋，每日都好high！”毛舜筠则大赞姜涛和Jer，她：“呢两位年青人好聪明，好有心学，所以好掂啊！”彭秀慧更笑言毛姐每日开工都好似如沐春风、精神翼翼，仲话毛姐成个人好似后生青春了！

彭秀慧更讲到有个场景关于屋企，姜涛和Jer休息都会在此玩，在床上盖被、睡觉、更有一些小剧场， Jer听后补充：“好好玩㗎！我哋会睇返毛姐以前啲 片，都系觉得好好笑，毛姐演技系神级，我同姜涛会扮返啲超经典场口，可能食饭扒饭咁，真系好好玩。（毛舜筠：我哋互相偷拍好多片，慢慢出啦！）”姜涛笑指搞到大家各自都唔敢训觉。

讲起电影戏名时，彭秀慧都表示谂戏名是件很难事，她解释：“套戏其实系《呀妈有咗第2个》，是套温情喜剧，故仔有3个主角，经理人妈妈、仔仔同明星，整套戏是个3角关系。我成日都想澄清，之前有好多报导话系花姐嘅故事，真系唔系，毛姐所演绎嘅经理人角色系另一样嘢嚟，同埋故事有好多虚构、创作成份，背景、成长都同佢哋自己好唔一样，但会肯定观众会揾到属于佢哋嘅影子。”

最后讲到日前MIRROR红到去日本，Jer：“其实开心多人欣赏我哋作品，变相自己要鼓励自己更加努力，因为我哋所做的每一个作品都估唔到可以去到几远，（彭秀慧：可唔可以带埋我哋套戏去日本？）希望可以，今次都要做得好，装备好自己，去到日本就可以多啲人认识、欣赏呢部戏嘅精髓。”姜涛则表示：“其实冇谂咁多，专注做好饿每一部作品就得，总会有人睇到。”

点击睇更多靓相：