尚气｜Marvel发布刘思慕巴士打斗片　影迷质疑似成龙但唔汤唔水

Marvel超级英雄片《尚气与十环帮传奇》（Shang-Chi and the Legend of the Ten Rings》由刘思慕（Simu Liu）、梁朝伟、陈法拉、Awkwafina、张梦儿等人主演，Marvel Studios昨晚（20/8）再公开一条刘思慕和Awkwafina在巴士上的片段。

电影讲到尚气在逃离爸爸文武（梁朝伟　饰）的掌控后，暂且过上一般人的生活，但就因为他拥有的颈链令到一班坏人揾上门，逼得他不得不使出真功夫！

不过有网民表示一睇这场动作片就似是在学成龙，还要学又学得不像样，“要靠慢动作造气氛已经冇左（咗）果（个）种爽快感，成龙D（啲）戏虽然对手都系一个一个上，但安排得好紧凑，画面唔会有多余空位比（俾）你觉得一条友打紧另一条友食花生，即系唔系想吹奏成龙，不过佢D（啲）打斗戏既（嘅）拍法真系唔同境界，净系呢1分钟已经觉得打斗场面差10皮。”

有网民表示同意以上讲法之余，更回应“《成龙的特技》有讲过，呢样同其他打戏系唔同亦好睇得多，《尚气》呢幕睇到著褛除褛，呢样都唔系啲咩新招。”

另外都有不少网民睇完片段都留言指出“我第一感觉都系成龙”、“打得唔好睇…..完全无动感”、“系2，30年前𠮶种节奏”、“想学成龙又学到唔汤唔水”、“普通武打片咁，又唔系打得好睇”、“啲外国人当佢系Bruce lee（李小龙）同Jackie chan（成龙）咁”、更有人讲到“揾甄子丹拍仲好睇啦”等等，觉得虽然打戏未算差，但就未有特式，似乎想拍出另一位成龙。其实套戏都未上，到底刘的表现如何，始终要睇过整场戏先可以下定论。

此外，有网民认为暂时只得一少部分不应就否定整部电影，都有人讲到“其实打得好睇过之前套《黑寡妇》㖞”、“可能外国人睇会ok嘅，但香港系功夫戏发源地，要外国人拍到一样嘅水平系难啲，其实香港咁多叻嘅龙虎武师未乘机出去外国教拍功夫戏真系晒（嘥）左，不过外国又唔系咁多演员跟到香港功夫戏嘅要求。”