《杀出个黄昏》跟谢贤再合作票房报捷　冯宝宝︰佢未抱霆锋就抱我

上星期四上画的《杀出个黄昏》，截至星期一暂有150万票房，成绩愈战愈勇。当中又以冯宝宝、贾晓晨二人婆媳大战惹起极高讨论度，片中一句对白“人生匆匆，就系为咗等敲𠮶一下丧钟。纵使你儿女成群，都总有一个系瘟神！”一句道尽Bobo姐角色遭遇。今次是Bobo姐事隔60年，跟谢贤再合作，能有好成绩，相当高兴。

人在马来西亚的宝宝姐未能出席宣传活动，不过却透过制作特辑表达自己对角色的感受。“六十几年冇见呀！上一次系我四岁半拍《连理枝》，我演男仔㗎，佢都未抱霆锋就抱我喇！我今次都系为四哥先拍！”谈到对四哥印象：“英俊潇洒、倜傥，永远都系第一男主角呀！”

至於戏中讲到的婆媳关系，Bobo姐也感受甚深：“作为母亲对子女嘅爱，就系冇得讲回报嘅，如果佢哋讲野唔啱听、激气，我会喊㗎，但我始终都系会原谅。最多咪一路喊一路祈祷，等到适当嘅时候，大家坐低落嚟，倾开个心结啰。”而“恶新抱”贾晓晨（JJ）则在片场借机会澄清：“我现实中唔系㗎！现实中好温柔㗎！”惹来Bobo姐和李璨琛忍俊不禁。

谈到今次角色爆发力惊人，处理时压力不少、Bobo姐坦言：“我明白监制（林家栋）嘅要求嘅，咁啱，我好享受喺工作上别人对我有要求，我好钟意感觉自己永远仲有跨进一步嘅可能。”Bobo姐更明言《杀》片是演艺生涯中最珍视的其中一部作品：“《杀出个黄昏》系咁多年嚟我做幕前工作最感兴趣嘅，因为呢部系可以伙拍到呢位跨世代男主角谢贤嘅一出电影。老实讲，如果唔系跨到呢个世代，我都未够斤両配做佢嘅女主角啦！”