妈妈的神奇小子｜吴君如约见苏桦伟妈咪 “佢份人爽直到咩都讲”
撰文： 吴子生
出版：更新：
改编自残奥运动员，苏桦伟真人真事的热血电影《妈妈的神奇小子》，今日（3/7）于昂坪市集举行线上慈善跑暨电影宣传启动礼。香港残疾运动员苏桦伟和妈妈连同电影一众幕前幕后都有出席，包括吴君如、梁仲恒（成年版苏桦伟）、张继聪、冯皓扬、胡子彤、林家熙、麦沛东、吴肇轩及多名跑手，一齐为慈善跑手揭开序幕。
吴君如受访表示：“其实电影开拍前，我上网揾苏妈同桦伟嘅资料，但苏妈嘅资料唔多，因为我要演苏妈呢个角色，想了解佢嘅心路历程多啲，于是我就同导演讲，我要约佢出嚟。到苏妈出嚟同我见面时，苏妈好爽快咁话：‘有咩唔怕问’，就系咁我好快知道佢为人爽直，之后苏妈就一五一十就讲晒佢嘅嘢畀我听，连好私隐嘅嘢都会讲。我完全感受到佢凑大桦伟嘅辛酸状况。”
而饰演成年版苏桦伟舞台剧演员梁仲恒表示，接到这个故事之后不断做功课，除了重温伟仔的访问，又会约埋伟仔一齐打机，透过相处去了解对方更多。“而喺佢生日嘅时候，我都有送咗只足球游戏畀佢。我觉得演绎上，最大挑战系要学伟仔讲嘢，因为佢讲嘢时，身边人要好用心听先会听得到，但拍电影唔可以咁处理，要顾及放映时间，观众又唔可以听唔明，所以呢方面我落咗好多苦功。”