开班｜林家栋自爆片场挑战美指 “要记住演员系好坏嘅人嚟”
撰文： 沈洛嘉
出版：更新：
由香港电影美术学会主办的《开班！电影美术及服装造型十三课》，将于8月中授课，当中更有金像奖班底星级导师，包括有林家栋、林嘉欣、文念中、陈七以及张蚊等人。
林家栋在接受《香港01》访问时表示，自己分别会从演员及监制身份，讲解跟美术的关系。“特别大家觉得监制只讲钱，其实不是这样，而是大家要如何将一幅素描填满色彩，让观众感受得到剧本要讲的事。”
当问及家栋有否挑战过美指时，他爽快直言：“紧系有啦！你要记住演员系好坏嘅人嚟㗎！”他续指创作好天马行空，道具的摆位会刺激到演员，就好似跳华尔兹一样，我咁跳时佢又问咁跳好冇，当中的火花是买唔到，系神来之笔，亦不会令到美指不舒服。他又分享到早前拍戏，一位服装同事给他人戴上一串佛珠，便反问：“个角色信教㗎？会问系咪有事就会喃呒阿陀佛？都要知道咁样安排系咪有原因，因为佢系我做戏嘅道具，系咪得闲又要摸下呢？祈求保佑都要㗎，呢个就系有趣嘅地方。”
较早前家栋因拍戏而受伤，令到额头留下男人的战绩，他笑言：“呢个都系美术的一门，𠮶日拍打斗戏，唔小心跣亲跌低磨姜，谂返起自己个时，呆一呆好瞬间唔够一秒，心谂我要继续，未嗌cut，出嚟嘅画面就系咁喇，当然不鼓励要流血，但要流的话真系美术都帮你唔到。而且好多时前辈、同业都一样，受伤但未嗌cut都会继续做，反而可能呢下就系最真实呈现俾观众睇呢个人个状态。唔鼓励，但又好似几型咁，哈哈！”