《糖街制片厂》入围乌甸尼电影节 刘翁苏皓儿感失望未能走红地毡
撰文： 洪晓璇
出版：更新：
由导演刘翁执导的电影《糖街制片厂》被“意大利乌甸尼电影节”官方选中入围，成为其中一套港产片将于欧洲、北美及亚洲多个城市作巡回上映，让海外观众认识港产片的崭新面貌。刘翁笑言让外地观众感受香港恐怖片惊得嚟好笑，笑得嚟感动，感动得嚟又好惊嘅独有玩法：“其实恐怖悬疑片最冇区域、文化界限，反而著重气氛、效果、化妆造型等等，如果有机会，我都想飞过去同世界各地的电影人交流，奈何疫情，所以未来要更比心机拍多啲好戏，再参展去感受欧洲影坛盛事。”
女主角之一苏皓儿，对于电影被选中参与国际影展感到惊喜，坦言无法赴意大利行红地毡相当失望：“作为一个演员，可以行国际影展红地毡机会唔多。今年疫情冇得去，真系好唔开心！不过知道自己嘅作品可以代表香港，都系好威水嘅，希望到时香港上映都有好好嘅成绩，咁对自己同公司都有交代。”
为电影牺牲容貌的另一位女主角杨柳青，戏中要烂面上阵：“我个特技化妆认真程度连我自己都唔认得我自己！我怀疑观众睇晒成部戏都未必知道边个系杨柳青！不过有机会代表香港电影去参与国际级影展，呢个系演员嘅光荣，令我知道付出喺有回报。以前香港好多电影喺外地影展攞奖，依家嚟到我地呢一辈，更加要付出十倍努力，再为香港影坛扬威海外。”
点击睇更多场景相：
+6
+5