真．三国无双｜古天乐眼球受伤撩出武器碎片　姜皓文背咒语最撠手

由周显扬执导兼监制、杜致朗编剧兼监制的改编游戏电影《真．三国无双》昨晚（27日）举行首映礼。

古天乐眼球受伤流血　仲有gel流出嚟

古天乐近乎有两年没有出席公开场合做访问，他接受访问时再次提到拍摄当日，眼球被自己手持的武器刺伤，武器的尖一下打中眼球，令眼球受损，最终需要缝上8针。古天乐：“身边嘅人都担心，因为要睇医生先知道，片场距离医院又较远，当时眼系流紧血，仲有啲 gel流出嚟，其实几恐怖，庆幸最后冇事啦！（有冇休息？）冇啊，即刻就要拍，同埋缝完针之后要好留神睇先睇到，唔系好觉眼，不过眨眼就会觉得有啲哽住啰。”而当问到有冇其余后遗症时，他回应：“冇，去洗伤口时个医生喺我眼珠撩咗几粒黑色嘢出嚟，系武器嘅碎片，如果再耐啲会刮伤眼球。”

而饰演张角的姜皓文（黑哥），在台上讲到今次拍摄不太辛苦，不过在接受访问他笑言：“因为张角识法术，好多咒语要讲，呢啲位的确难啲，因为佢好多都系固定咗，苍天已死黄天当立个啲，有指定嘅一套语法，反而系要练呢啲，开头系有啲撠手。”

早前服装设计的吴宝玲博士（Bobo姐）透露黑哥的戏服补得较多，黑哥回应：“因为我个兵器好长，又要作法、挥权杖，又勾到我啲头发，又勾到身上啲饰物，所以Bobo姐成日都会喺我附近，即刻就会帮你左补右补，补唔到又要绑、用双面胶纸痴住先。”

点击睇更多现场盛况：