《毛侠2》陈逸宁做单亲妈妈　唐贝诗：演道友被导演要求减足20磅

2018年香港首部以保护动物为题材的电影《毛侠》推出续集《毛侠2》，今午（7日）举行发布会，唐贝诗、陈逸宁、陈达仁、李亦乔都有份出席。

问到唐贝诗今次在《毛侠2》中的角色时，她回应：“我角色系一个道友，因为吸毒嘅关系，所以会流落街头，喺呢个情况底下钟意咗啲动物，佢哋会同自己建立咗感情，同埋要好瘦好瘦好瘦，导演都有同我讲要减20磅，唔要有肌肉同健康瘦，要唔健康嘅瘦。我都有话吓，我咁辛苦健身要我冇晒啲肌肉，不过朋友同我讲唔紧要，因为肌肉有肌肉记忆，3个月内做返运动就会返嚟架喇。其实我都唔会咁快减肥嘅，应该会喺部戏开拍前2个月慢慢开始减啰，冇理由4、5个月唔食嘢架嘛。”

讲到现时有较多幕前演出作品，唐贝诗回应：“啱啱做完舞台剧《恋上12星座》，其实都几遗憾，原本上年4月公映，因为疫情关系一推再推，最终改为Facebook网上播，本来做5场变相少咗好多观众，加上大家睇时未必会专心，一齐食饭睇戏咁睇就觉得好可惜，希望有机会可以再做。”

事实上唐贝诗一直拥有个人YouTube Channel，近日发布了一条新片，但翻看影片清单发现上一次更新已是4年前，她笑言：“而家系想经营返YouTube，因为之前都忙拍戏、做戏，我真系好钟意做戏，但而家工作量较少，我自己又好钟意旅行，而家又冇得旅行所以就去咗长洲Glamping（豪华露营）啰，同埋多咗时间都想玩下剪片摆上YouTube。（条片你自己剪？）系啊自己剪架，我都系睇片学，而家啲software（软件）好易用，iPad都剪到。（下条片会讲咩？）会想去试下露营车，因为未试过，或者拍一啲食嘢嘅分享，早前都搞咗个生酮曲奇，都可以同大家分享下又可以讲下创业。”

至于上次在《毛侠》演渔农自然护理署政府部门人员的陈逸宁，今次再有份演出《毛侠2》，陈逸宁表示：“角色有唔同，上次做渔护署𠮶边，今次反而做返动保团体，暂时知道个角色系单亲妈妈去咗做动保，详细内容就未确定，未睇剧本。”而问到首次同唐贝诗合作有咩感受时，陈逸宁笑言：“虽然我哋系首次合作，但上次见面时就好似一见如故咁，交换晒电话，佢都有邀请我睇佢套舞台剧，嚟紧我都有套《二次人生》做谭耀文老婆，我都会叫Lydia（唐贝诗）去支持我架。”

点击睇更多靓相：