不赦之罪｜黄秋生加戏拍台吓窒全场 欧镇灏紧张票房：半夜扎醒睇
香港宗教题材剧情片《不赦之罪》，为香港电影工作者总会“总会拍电影”计划首部上映剧情长片，由林善、谭善扬执导，黄秋生、苏玉华、George欧镇灏、陈书昕及陈紫萱主演。《不赦之罪》今日（14日）举行主演谢票活动，黄秋生率领一众主演现身，并于活动上接受访问，分享对电影累积口碑、票房逐渐上升的感想，以及观众的回馈。
黄秋生、苏玉华与欧镇灏在谢票前接受传媒访问，George谈到在电影中饰演强奸犯，表示观众相当入戏：“大家都好容易将我同阿乐混淆，觉得我系强奸犯！我觉得系好事嚟嘅，大家唔会因为我喺出边拍综艺节目仍然代入𠮶种状态，有投入喺剧情里面。”剧后苏玉华罕有参与谢票，对观众反应尤其深刻：“上个礼拜六日全日呀，忙过返工！谢完票返屋企直头谢晒！但好值得，见到观众身体力行支持、票房一日一日咁上去，都多谢大家支持《不赦之罪》。”
明天即将为父亲节，黄秋生与主演们谢票日程排满全日，谈到与早前返港的幼子庆祝，他笑言：“父亲节系关我事嘅啫，唔关佢哋事嘅！（George可以为爸爸庆祝）系㖞！因为我冇呀嘛，我咪谂唔到呢样嘢啰！（幼子会共度父亲节？）去咗旅行呀，佢去咗两日我咪睇电视睇返够啰，睇咗套垃圾剧！”
George感激陈咏燊赞赏
陈咏燊导演日前于社交媒体撰文盛赞欧镇灏的成长与进步，George直言荣幸与感激：“我睇到呀！我系感激嘅，因为我同Sunny老师喺《全民造星2》认识，佢睇住我成长，好荣幸佢写一篇文，希望继续进步啦！”陈咏燊于文中表示自己原为欧镇灏的第一位Hater，George亦谦指当时的表演未达水准：“我睇返都觉得自己唔得！𠮶阵时太幼稚，对舞台未有一份认知，而家多咗舞台经验、同两位兄弟多咗一齐上台，都有做多啲准备。”黄秋生随即笑言：“最衰系讲咗一句I don’t care啫！”欧镇灏则笑指：“系表演嘅内容嚟啫！”
《不赦之罪》票房目前正稳步上升，场次亦由起初天地场逐渐增加。对于首部主演电影票房挣扎成长，欧镇灏坦言开始时略感紧张、更影响睡眠：“我见到大家无论几夜都会入场支持，谢票嘅时候都见到坐满晒。对票房绝对有一份紧张。对票房绝对有一份紧张，呢排自己都会半夜扎醒，睇吓个票房、大家对呢套戏嘅意见，又未至于失眠，因为谢票令到我好快进入深层睡眠。”
黄秋生“加戏”吓窒欧镇灏
剧情中，黄秋生与欧镇灏上演快餐店共膳的桥段，期间突然拍台、出乎欧镇灏预料，黄秋生表示：“𠮶场戏开头剪咗，我撞到佢系门口流口水，问佢做乜、佢话好肚饿，所以请佢食汉堡包。”George坦言拍摄当场被秋生吓窒：“有畀佢吓亲！因为彩排嘅时候冇呢个动作。”至于拍台动作令全场震动大惊，秋生则笑言：“啲道具黐得唔好啫！”
《不赦之罪》探问宗教命题，黄秋生表示上映后观看亦另有一番得著：“上映之后我睇到另一个讯息，因为喺宗教上，我相信导演、编剧、演员同剪接开始嘅时候都冇睇到，但系系非常重要嘅讯息。因为牵涉到一种宗教观点，简单啲讲系牺牲、赎罪嘅羔羊，喺基督教、天主教入面系好重要，甚至系最重要嘅东西！”
《不赦之罪》一众主演于尖沙咀戏院进行谢票，前日本AV女优苍井空亦来港在同区举行活动，谈到两位男主演朝圣“苍老师”的兴趣，苏玉华随即打趣递上咪高峰：“咦！咁你揸住啦！”请两位亲自回应！欧镇灏笑指知道苍井空：探我识得，但啱啱先知佢嚟咗香港，如果巧遇嘅话都可以嘅。”黄秋生随即开玩笑设“陷阱”表示：“波多野⋯⋯我哋个配乐叫咩名话？”谁知George竟零秒回答：“波多野结衣！”引起全场大笑！欧镇灏得悉口误后尴尬笑指：“波多野裕介！唔好意思！”黄秋生则笑言：“好正常！后生仔！唔需要怕丑！”