电影特效大师黄宏达指AI已成生态　有助补漏悭钱：水饺皇后都有用

TVB混血男演员古天祥昨日（12日）举行首次个人雕刻展览，邀请为雕刻作品设计制成裱装外框的黄宏达、圈中好友马德钟、袁伟豪张宝儿夫妇等演员到场。Victor黄宏达为香港电影视觉特效大师，曾参与多部荷里活与中港影视巨制，在大银幕以外亦不时举办展览展出其他艺术形式的作品，今日在活动上接受《香港01》访问期间，Victor除分享自己为现场展品设计的多款跨材质、槪念突破的画框外，亦谈到电影后期制作产业目前的状况、港产片冰河下的危与机。

黄宏达与古天祥认识多年，在此前一场展览中偶遇，得知古正在烦恼如何装裱金属雕刻作品，Victor随即出马分享多个设计意念，提出以不同材质、形状的裱框衬托雕刻。黄宏达接受访问时透露：“猫头鹰一作嘅灵感来自我哋对夜晚嘅恐惧，于是做一个时空穿梭、好似Time Tunnel（时光隧道）或者Star Gate（星际之门）咁样嘅框；另一个（以龙为主题）系讲香港，咁不如用红白蓝、试下透明可以打灯嘅，范围可以向外扩展，就好似香港咁灵活、又向外扩张！”但他表示画框仅为衬托，主题仍围绕古天祥的金属雕刻作品。

在呈现“星际之门”的画框上，不少观者均联想到《星球大战》与《星际启示录》等科幻电影，黄宏达笑言或因为耳濡目染所以从电影取得灵感，但相比为电影制作视觉特效，Victor今次采用人手制作：“今次喺云石上面唔系用机器做、而系人手逐条线条𠝹出嚟。呢样又返去依家话用AI、会取代人嘅话题，其实我觉得系合作，可能会用AI做啲绘图、思考，但系最后都系我落手，其实系好好嘅合作关系嚟。”

谈到人工智能参与创作及制作环节，黄宏达作为视觉特效大师，对人与人工智能在电影制作亦有独特的见解：“呢两样唔驶平衡，世界根本系喺平衡与唔平衡之间，有一刻可能好依赖机器、有一刻又好依靠人力，其实AI就变咗生态嘅一部份，我觉得系有一个迎接佢嘅心态。”Victor亦表示在电影后期制作产业中，AI的出现增加了可能性，亦造就出新的作岗位，更重要是能够裨补阙漏、同时节省成本：“好似我哋啱啱做完嘅《水饺皇后》，有啲镜头要重现七八十年代嘅香港，都有部分系AI帮手做！一套戏有二三千个镜头，实有可能漏咗冇拍嘅地方，为咗两三个去补拍要好多钱，依家AI就可以将呢啲漏咗嘅镜头重现出嚟。”

至于导演刘伟强对AI应用的欢迎程度，黄宏达则表示：“（新科技）佢用得最快添啦！首先喺九十年代嘅《风云》《头文字D》用咗好多电脑特技，其实连《无间道》都有好多视觉特效，系大家睇唔到啫！所以佢系最快嘅，到今日《中国机长》呢啲十几二十亿嘅戏，都有好多部份系电脑帮手、帮到佢呈现世界观，佢完全唔抗拒！”

香港电影业自去年起下滑，进入港产片冰河期，黄宏达坦言对后期制作产业亦有影响：“点都会影响到，因为少咗戏开，自然冇咁多工作，但某程度上工序又冇咁赶。”Victor表示业界面对经济下滑，亦应该把握机会发展：“有影响之余，第一样嘢系睇我哋点自处；第二样嘢依家就系养精蓄锐嘅时候，去学啲新嘢，譬如AI咁样，点样去装备自己迎接未来呢？”在生计方面，黄宏达则表示业者能够在电影以外多方向发展：“我哋嘅技巧唔止用喺电影里面，可以系广告、可以系游戏，甚至开自己嘅频道。行业本身系萎缩、或者停滞，但学咗嘅技术，可以将佢转化，喺其他地方发展。”